რომანომ და მაროტამ დაადასტურეს - ლუკაკუ მილანში დღეს ჩაფრინდება
საფეხბურთო სეზონი დასრულდა და ახლა სატრანსფერო სიახლეების დროა. აქტიურად იწერებოდა იმის შესახებ, რომ რომელუ ლუკაკუ „ინტერში“ დაბრუნდებოდა. რამდენიმე დღის წინ, გავლენიანმა სატრანსფერო ექსპერტმა და ცნობილმა სპორტულმა ჟურნალისტმა ფაბრიციო რომანომ დაადასტურა, რომ მხარეები შეთანხმდნენ და ბელგიელი თავდამსხმელი მომავალი სეზონიდან „ნერაძურიში“ ითამაშებს.
რომანოს უახლესი ინფორმაციით, ლუკაკუ მილანში დღეს ჩაფრინდება. აღნიშნული ფაქტი „ინტერის“ აღმასრულებელმა დირექტორმა ბეპე მაროტამაც დაადასტურა:
„ის ალბათ ამაღამ ჩამოვა.“
ფაბრიციოს ინფორმაციით, ლუკაკუ სამედიცინო შემოწმებას ოთხშაბათს გაივლის. ბელგიელი „ინტერში“ 2023 წლამდე იჯარის წესით ითამაშებს, ხოლო იტალიურ კლუბს მისი გამოსყიდვის უფლება არ ექნება.
Romelu Lukaku will fly to Milano in the coming hours, Inter CEO Marotta has confirmed: “He’s arriving tonight probably”, he said. ????⚫️???? #Inter
— Fabrizio Romano (@FabrizioRomano) June 28, 2022
Medical on Wesnesday morning, then loan deal until June 2023 to be announced with Chelsea - with no buy option/obligation clause. #CFC
შეგახსენებთ, რომ ბელგიელი თავდამსხმელი გასული წლის ზაფხულის სატრანსფერო ფანჯრის დროს „ჩელსიმ“ „ინტერიდან“ 115 მილიონი ევროს სანაცვლოდ იყიდა, თუმცა ახალ „არისტოკრატებს“ ვერ შეეგუა და უკან დაბრუნება ითხოვა.
გასული სეზონის განმავლობაში, ლუკაკუმ „ჩელსის“ მაისური ყველა ტურნირზე ერთად 44-ჯერ მოირგო, 15 გოლი გაიტანა და 2 საგოლე გადაცემა შეასრულა.
