დიდი შანსია ბარსელონაში დარჩეს - დემბელეს დამატება არავის უნდა
უსმან დემბელეს საქმე ისე განვითარდა, რომ ფრანგი შესაძლოა „ბარსელონაში“ დარჩეს. დემბელემ თავისთვის სასურველი წინადადება ვერცერთი კლუბისგან ვერ მიიღო და ამჟამად მისი ერთადერთი ვარიანტი ისევ „ბარსაა“.
ცნობილი ესპანელი ჟურნალისტი ხავი მიგელი წერს, რომ დემბელე „ბარსელონას“ წინადადების მიღებასთან ერთ ნაბიჯშია და შესაძლოა კონტრაქტი გახანგრძლივდეს. აღსანიშნავია, რომ ეს წინადადება უსმანს დეკემბერის შემდეგ აქვს მიღებული, მაგრამ ის და მისი აგენტი პასუხის გაცემას არ ჩქარობდნენ. საბოლოოდ, მოვლენები ისე განვითარდა, ფრანგი იძულებულია „ბლაუგრანას“ შეთავაზება განიხილოს.
წყაროს ცნობით, დემბელემ ჩავის დაურეკა და სთხოვა, რომ ლაპორტასთან მოლაპარაკებების წამოსაწყებად დახმარებოდა, თუმცა მწვრთნელმა უპასუხა, რომ ის ახალ შეთავაზებას ვერ მიიღებდა. თუ დარჩენა სურდა, თავდაპირველი წინადადება უნდა მიეღო.
Dembele esta a un paso de bajarse los pantalones y aceptar oferta que tiene desde diciembre y que ha ignorado/rechazado de forma sistematica. el lunes llamo a Xavi pidiendo que intercediera con Laporta. el tecnico, claro: "no habra nueva oferta,o aceptas la que tienes o adios"
— Javi Miguel Club (@fansjavimiguel) June 22, 2022
ამრიგად, დემბელემ და მისმა აგენტმა მოთხოვნილი მილიონები ვერც პსჟ-სგან და ვერც „ჩელსისგან“ მიიღეს. თუ, „ბარსელონას“ შეთავაზებას არ დათანხმდებიან, ფრანგ გარემარბს ახალი სეზონის წინ უგუნდოდ დარჩენა ემუქრება.
აქვე გეტყვით, რომ გასულ სეზონში ლა ლიგის 21 მატჩში დემბელემ 1 გოლი გაიტანა და 13 საგოლე გადაცემა გააკეთა.