გვარდიოლა დემბელეს პირადად შეხვდა
ბრიტანული სააგენტოების ინფორმაციით, პეპ გვარდიოლა „დორტმუნდის“ ახალგაზრდა შემტევ უსმან დემბელეს პირადად შეხვდა და მის „სიტიში“ გადასვლაზე ესაუბრა.
დემბელესადმი „ქალაქელთა“ ინტერესის შესახებ ბოლო დღეებში აქტიურად იწერება და ისინი ამ ტრანსფერში დიდი თანხის გაღებასაც აპირებენ, რომელსაც ოფიციალური შეთავაზების სახით გერმენელებს სულ მალე გაუგზავნიან.
20 წლის ფრანგ შემტევს ყველაზე მეტად „ბარსელონასთან“ აკავშირებენ, რომლის წარმომადგენლებიც ბოლო კვირებში ფეხბურთელის აგენტს რამდენჯერმე შეხვდნენ.
