მეორე ოქრო - ანრი ხოზრევანიძე ევროპის ჩემპიონია

რუმინეთის დედაქალაქ ბუქარესტში, ბერძნულ-რომაული სტილით მოჭიდავეთა შორის ევროპის 17-წლამდე ჩემპიონატი მიმდინარეობს.

ანრი ხოზრევანიძემ (51 კგ) საქართველოს ნაკრებს მეორე ოქროს მედალი მოუტანა. მან ფინალში აზერბაიჯანის წარმომადგენელი ვადატ გასიმლი 4:1 დაამარცხა.

აღსანიშნავია, რომ მეტოქემ პირველი ნახევარი 1:0 მოიგო, თუმცა შესვენების შემდეგ, ხოზრევანიძე გააქტიურდა და ოქროს მედალს დამსახურებულად დაეუფლა.

შეგახსენებთ, რომ 48 კგ. წონით კატეგორიაში პირველი ოქროს მედალი ვახტანგ ლოლუას ანგარიშზეა. მანაც ფინალში აზერბაიჯანის წარმომადგენელს სძლია და ელვინ იბადოვი 4:1 დაამარცხა.

ლოლუას გამარჯვებას განსაკუთრებულს ის ფაქტი ხდის, რომ იგი ჯერ მხოლოდ 14 წლის არის.