ერთი დარტყმით დაანოკაუტა - ტაისონის ყოფილმა მეტოქემ წარსული გაიხსენა
ჯულიუს ფრენცისი 57 წლის მოკრივეა, რომელიც ბრიტანეთის ჩემპიონი იყო და სხვადასხვა დროს, მაიკ ტაისონისა და ვიტალი კლიჩკოს წინააღმდეგ უჩხუბია. მან კარიერა 2006 წელს დაასრულა და ამჟამად, BOXPARK Wembley-ის უსაფრთხოების სამსახურში მუშაობს.
დღეს, სოციალურ ქსელებში გავრცელდა ვიდეო, რომელზეც ასახულია, ფრენცისი ერთ-ერთ ადამიანს როგორ უსწორდება. ეს უკანასკნელი გაურკვეველი მიზეზის გამო, გაბრაზებული იყო, გამვლელებსა და დაცვის სამსახურის წარმომადგენლებს შეურაცხყოფას აყენებდა და რამდენიმეს ხელიც ჰკრა. ბოლოს იგი ჯულიუსთან მივიდა და ბრიტანელმა წარსული გაიხსენა. ფრენცისმა შეურაცხყოფა არ მოითმინა, მამაკაცი მარჯვენა ჰუკით ნოკაუტში ჩააგდო და თავისი ადგილი მიუჩინა.
Former British heavyweight champion Julius Francis (who fought Mike Tyson) now working as security at BOXPARK Wembley and dealing with some trouble today…
— Michael Benson (@MichaelBensonn) June 13, 2022
[???? @GloryGloryTott]pic.twitter.com/MDL9yVLfZ9
„პოლიციამ იცის, რომ ვიდეო სოციალურ ქსელებში გავრცელდა და იკვლევს ინციდენტს, რომელიც უსაფრთხოების სამსახურის წარმომადგენელსა და BOXPARK Wembley-ის ერთ-ერთ წევრს შორის მოხდა. ამ ეტაპზე, არავინ დაგვიკავებია და გამოძიება მიმდინარეობს“, - განაცხადეს ბრიტანელმა სამართალდამცველებმა.
ცნობისთვის, ფრენცისი ვიტალი კლიჩკოს 1998 წელს დაუპირისპირდა და მეორე რაუნდში, ტექნიკური ნოკაუტით დამარცხდა. 2 წლის შემდეგ იგი მაიკ ტაისონს შეერკინა და „რკინის მაიკმა“ მეორე რაუნდში მოპოვებული ნოკაუტით იმარჯვა.