ედინსონ კავანი
Aa
Aa

ქომაგებს შუა თითი უჩვენა - კავანი მანჩესტერს ცუდად დაემშვიდობა

„მანჩესტერ იუნაიტედის“ ფეხბურთელი, ედინსონ კავანი „წითელი ეშმაკების“ ქომაგებს დაუპირისპირდა. ინციდენტი „კრისტალ პალასთან“ გამართული მატჩის შემდეგ მოხდა, როცა ურუგვაელი ფეხბურთელი კლუბის ავტობუსისკენ მიემართებოდა.

„არწივებთან“ წაგების შემდეგ, „მანჩესტერის“ გულშემატკივრები კავანის დაცინვითა და საყვედურებით შეეგებნენ, რის გამოც 35 წლის ფეხბურთელმა მათ შუა თითი უჩვენა, ავტობუსში ასვლის შემდეგ კი, ქომაგებისკენ შემოტრიალდა და ქმედება გაიმეორა.

შეგახსენებთ, რომ რამდენიმე დღის წინ, „წითელი ეშმაკების“ დროებითმა თავკაცმა, რალფ რანგნიკმა დაადასტურა, რომ „კრისტალ პალასთან“ მატჩი კავანისთვის „იუნაიტედის“ მაისურით ჩატარებული ბოლო შეხვედრა იქნებოდა. ურუგვაელს კლუბთან კონტრაქტი 30 ივნისამდე აკავშირებს და ზაფხულში თავისუფალი აგენტი გახდება.

ცნობისთვის, „მანჩესტერმა“ 2021-22 წლების პრემიერ ლიგის სეზონი მე-6 ადგილზე დაასრულა. „წითელმა ეშმაკებმა“ 58 ქულა დააგროვეს, მეოთხეადგილოსან „ტოტენჰემს“ 13 ქულით ჩამორჩნენ და „ვესტ ჰემს“ მხოლოდ ორი ქულით გაუსწრეს.

მსგავსი სიახლეები

ცხელი ამბები
ასევე დაგაინტერესებთ
„თუ შეთავაზება მიიღეს, მამარდაშვილსაც გაუშვებენ“ – Marca ვალენსიაზე წერს
„თუ შეთავაზება მიიღეს, მამარდაშვილსაც გაუშვებენ“ – Marca ვალენსიაზე წერს