ზედიზედ მეორედ - ეფესი ევროლიგის ჩემპიონია
დასრულდა მიმდინარე სეზონის საკალათბურთო ევროლიგა. ფინალში ერთმანეთს „ეფესი“ და მადრიდის „რეალი“ დაუპირისპირდნენ. აღნიშნული მატჩი საკმაოდ დაძაბული გამოდგა და „ეფესმა“ 58:57 მოიგო.
ამ შედეგით კი თურქულმა კლუბმა ზედიზედ მეორედ იზეიმა ევროლიგის ჩემპიონობა. მატჩში გამორჩეული ვასილი მიჩიჩი იყო, რომელმაც არასრულ 38 წუთში 23 ქულას, 2 მოხსნას და 2 შედეგიან გადაცემას მოუყარა თავი.
მადრიდელთა მხრიდან კი ყველაზე გამორჩეული ვალტერ ტავარესი იყო. 14 ქულა, 11 მოხსნა 1 პასი - ასეთია ტავარესის მონაგარი. საინტერესო ის გახლავთ, რომ „ეფესმა“ ზედიზედ ორ ფინალში ესპანურ კლუბს მოუგო. გასულ სეზონში თურქებმა „ბარსელონა“ იმსხვერპლეს.
რაც შეეხება კატალონიურ გრანდს, მათ მესამე ადგილისთვის ბრძოლაში „ოლიმპიაკოსი“ 84:74 დაამარცხეს.
The huddle of champs ????#F4GLORY | @AnadoluEfesSK pic.twitter.com/Kiffgsa1PP
— Turkish Airlines EuroLeague (@EuroLeague) May 21, 2022