2 ადამიანი დაიჭრა, 1 გარდაიცვალა - სროლა მილუოკი ბოსტონის მატჩის შემდეგ
გამთენიისას NBA-ში აღმოსავლეთ კონფერენციის ნახევარფინალური მატჩი შედგა, რომელშიც „მილუოკი ბაქსმა“ „ბოსტონ სელტიკსს“ უმასპინძლა და 96:108 დამარცხდა, რის შემდეგაც სერია მე-7 სუპერმატჩამდე მივიდა.
შეხვედრის შემდეგ, არენის მიმდებარე ტერიტორიაზე არეულობა იყო. როგორც New York Post-ი წერს, ერთმა ადამიანმა ცეცხლსასროლი იარაღიდან გაისროლა, რასაც მასობრივი არეულობა მოჰყვა. 2 ადამიანი დაიჭრა, 1 კი გარდაიცვალა.
#BREAKING: People are being evacuated after reported shoots at Bucks game
— Chaudhary Parvez (@ChaudharyParvez) May 14, 2022
Hundreds of terrified #Bucks fans running from Deer District game in Milwaukee after reports of multiple #shots fired two people have been shot 1 person has been arrested.#Milwaukee #Wisconsin #Shooting pic.twitter.com/pfvmQyFN3t
ტერიტორიაზე მყოფი 11 ათასი ქომაგი პანიკამ მოიცვა და ყველამ თავშესაფრის ძებნა დაიწყო.
პოლიციამ მალევე ტერიტორიას ალყა შემოარტყა და სიტუაციის კონტროლი დაიწყო. როგორც ცნობილი გახდა, მამაკაცი, რომელმაც გაისროლა უკვე დაკავებულია.
მილუოკის პოლიციის განცხადების თანახმად, სროლისას დაშავებული 2 ადამიანი სტაბილურ მდგომარეობაში იმყოფებიან.
The scene at MLK and Highland shortly after the @bucks game. Large police presence trying to control the crowd. Follow @CBS58 for updates. pic.twitter.com/iuxiwtQmgJ
— Gabriella Bachara (@GabbyBachara) May 14, 2022
რაც შეეხება შეხვედრას, „ბოსტონმა“ მეორე მეოთხედში 8-ქულიანი გაქცევა შეძლო და ამ მომენტიდან ლიდერობა აღარ დაუთმია. სტუმართა რიგებში საუკეთესო ჯეისონ ტეიტუმი იყო, რომელმაც 46 ქულა, 9 მოხსნა და 4 გადაცემა ჰქონდა. ჯეილენ ბრაუნს 22, ხოლო მარკუს სმარტს 21 ქულა ჰქონდა.
„მილუოკის“ რიგებში ტრადიციულად იანისი გამოირჩა, რომელმაც სოლიდური ორმაგი დუბლი გაიფორმა - 44 ქულა, 20 მოხსნა, 6 გადაცემა.
სერიის მე-7 სუპერმატჩი 15 მაისს 23:30 საათზე გაიმართება.
