უკვე ოფიციალურად - საქართველო წყალბურთის მსოფლიო ჩემპიონატზე ითამაშებს
რამდენიმე დღის წინ, გაჩნდა ვარაუდი, რომ წყალბურთის მსოფლიოს ჩემპიონატზე რუსეთის ნაკრების ნაცვლად საქართველო იასპარეზებდა. მოგეხსენებათ, რუსეთს ბელარუსს უკრაინაში მიმდინარე მოვლენების გამო ევრო სარბიელზე ასპარეზობის უფლება ჩამოერთვათ.
დღეს კი ოფიციალურად გახდა ცნობილი, რომ საქართველო წყალბურთის მსოფლიოს ჩემპიონატზე ითამაშებს. ინფორმაცია საერთაშორისო საწყლოსნო ფედერაციამ(FINA) გაავრცელა.
The fields for the water polo teams competing at the 19th FINA World Championships Budapest 2022 are now set following play in the FINA Water Polo World League 2022 ????♂️????#waterpolo
— FINA (@fina1908) April 6, 2022
Find out more????https://t.co/VMAJXV4IkE
აღნიშნულმა ორგანიზაციამ, თავის ვებ-გვერდზე მსოფლიო ჩემპიონატის კალათები გამოაქვეყნა, სადაც საქართველო ფიგურირებს. ჩვენი ნაკრები მეოთხე კალათში მოხვდა.
მსოფლიო ჩემპიონატის წილისყრა 12 აპრილს გაიმართება. საქართველოს გარდა მონაწილე ქვეყნები არიან: უნგრეთი(მასპინძელი), ამერიკა, მონტენეგრო, ავსტრალია, იაპონია, ყაზახეთი, კანადა, ბრაზილია, ხორვატია, ესპანეთი, საბერძნეთი, იტალია, სერბეთი, გერმანია, სამხრეთ აფრიკა.
ცნობისთვის, წყალბურთის მსოფლიო ჩემპიონატი ქალაქ ბუდაპეშტში 20 ივნისიდან 3 ივლისის ჩათვლით გაიმართება.