მას შემდეგ, რაც ტოტი "რომაში" მივიდა... - ფაქტები და მოვლენები
"რომას" ლეგენდა, ფრანჩესკო ტოტი, ფეხბურთელის რანგში, კლუბში თავის ბოლო შეხვედრას, კვირას "ჯენოას" წინააღმდეგ ჩაატარებს.
ტოტი "რომაში" 1989 წელს, 13 წლის ასაკში მივიდა. სააგენტო football-italia-მ მას ძალიან საინტერესო სტატია უძღვნა, რომელშიც ამ თარიღის შემდეგ მომხდარი სხვადასხვა მნიშვნელოვანი ფაქტები და მოვლენებია აღნიშნული.
* ამერიკას 5 პრეზიდენტი ჰყავდა - ჯორჯ ბუში (უფროსი), ბილ კლინტონი, ჯოჯრ ბუში (უმცროსი), ბარაკ ობამა და დონალდ ტრამპი.
* "პალერმოს" მწვრთნელის პოსტზე 55 სხვადასხვა სპეციალისტი იყო. მათგან 4-ჯერ ეს თანამდებობა ფრანჩესკო გვიდოლინს ეკავა, ხოლო 2-ჯერ ჯიან პიერო გასპერინის.
* ნელსონ მანდელა გამოვიდა ციხიდან, სამხრეთ აფრიკის პრეზიდენტი გახდა, ნობელის პრემია მიიღო და გარდაიცვალა.
* ჩატარდა ფეხბურთის 7 მსოფლიო ჩემპიონატი.
* როცა ჯანლუიჯი დონარუმა დაიბადა, ტოტი სერია ა-ში თავის მე-6 სეზონს ატარებდა. მან 1998-1999 წლების ჩემპიონატში 12 გოლი გაიტანა.
* კათოლიკურ ეკლესიას მე-3 პაპი მართავს. იოანე პავლე II, ბენედიქტე XVI და ფრანსისი.
* ტოტის "რომას" აკადემიაში მისვლის წელს, 1989-ში, პოპ-მომღერალი ტეილორ სვიფტი დაიბადა. მან თავის ერთ-ერთ ალბაომს სწორედ დაბადების წლის სახელი უწოდა - "1989".
* როცა სერია ა-ში ტოტის დებიუტი შედგა, მიმდინარე წლის სერია ა-ს საერთო ფეხბურთელთა 32% დაბადებული არ იყო.
* "ნაპოლიმ" 1989-1990 წლებში სერია ა მოიგო. შემდეგ გაკოტრდა, სერია ც-ში დაქვეითდა. წლების შემდეგ კვლავ უმაღლეს დივიზიონში დაბრუნდა, "ჩემპიონთა ლიგაშიც" ითამაშა და ბოლო წლებში "რომას" ერთ-ერთი უშუალო კონკურენტიცაა.
* იტალიის მთავრობაში 15 პრემიერ-მინისტრი შეიცვალა. მათ შორის 3-ჯერ ეს პოსტი სილვიო ბერლუსკონის ეკავა.
* ტოტისა და ჩოგბურთის ლეგენდის, როჯერ ფედერერის მეგობრული ურთიერთობა ყველასთვის ცნობილია. 2001 წელს, მაშინ, როცა ფედერერს "დიდი სლემის" ტურნირი მოგებული არ ჰქონდა, ტოტიმ სერია ა მოიგო. ფედერერს ახლა 18 "დიდი სლემის" ტურნირი აქვს ტიტულატურაში.
* "ბარსელონას" "ჩემპიონთა თასი" მოგებული არ ჰქონდა. ახლა 5-ჯერ აქვს.
* "მილანს" "ჩემპიონთა ლიგა" მხოლოდ 2-ჯერ ჰქონდა მოგებული. ახლა 7-ჯერ აქვს.
* გერმანიაში ბერლინის კედელი დაანგრიეს და ქვეყანა გაერთიანდა.
* მაიკლ ჯორდანს NBA მოგებული არ ჰქონდა.