მბაპე: "მათ 2 შანსი ჰქონდათ და ორივე გაიტანეს"
"მონაკოს" თინეიჯერმა ლიდერმა, კილიან მბაპემ, "იუვენტუსთან" (0:2) წაგებული მატჩის შემდეგ ჟურნალისტებთან კომენტარი გააკეთა.
"ჩვენ გამოცდილება დაგვაკლდა და თითქოს გოლის გასატანად მზად არ ვიყავით. ბევრი მომენტი შევქმენით, მაგრამ ერთიც ვერ გამოვიყენეთ.
მათ 2 შანსი ჰქონდათ და 2 გოლი გაიტანეს.
ვფიქრობ, ეს გაკვეთილი იქნება, რამაც პროგრესის საშუალება უნდა მოგვცეს". - განაცხადა მბაპემ.
"იუვენტუსი" და "მონაკო", 9 მაისს, "იუვენტუს სთედიუმზე" ითამაშებენ.
