ქართველმა პარამოფარიკავეებმა მსოფლიო თასზე 7 მედალი მოიპოვეს

საქართველოს ეტლით მოფარიკავეთა ნაკრები გუნდი პიზის მსოფლიო თასის გათამაშებიდან სამშობლოში 7 მედლით ბრუნდება, მათ შორის: 2 ოქროს, 1 ვერცხლისა და 4 ბრინჯაოს მედლით.

ჩვენმა პარამოფარიკავეებმა 3 დისციპლინაში (ხმალი,რაპირა,დაშნა, A და B კატეგორიები) იასპარეზეს. აღსანიშნავია, რომ დაშნაში პირველად გამოვიდნენ და მაღალი შედეგი აჩვენეს:

ირმა ხეცურიანი - ხმლით და რაპირით ფარიკაობაში 2 ოქროს მედლის მფლობელი გახდა;

გვანცა ზადიშვილმა - ხმალში ვერცხლი მოიპოვა;

ნინა თიბილაშვილმა- ხმალში, რაპირაში და დაშნაში - 3 ბრინჯაოს მედალი მოიპოვა;

ტურნირის დასასრულს, ნაკრებმა გუნდურში რაპირით ასპარეზობაში მესამე ადგილი დაიკავა და ბრინჯაოს მედალი მიისაკუთრა.