ჩისკოს მეორე გამარჯვება პრემიერ ლიგაში - სარის დუბლი და 3 ქულა
თბილისის ''დინამოს'' ექს-მთავარმა მწვრთნელმა ჩისკომ ''უოტფორდის'' მთავარი მწვრთნელის ამპლუაში პრემიერ ლიგაში მეორე გამარჯვება მოიპოვა. მსოფლიოს საუკეთესო ჩემპიონატის მე-5 ტურში ''ნორვიჩი'' შინ ''უოტფორდთან'' 1:3 დამარცხდა.
მე-17 წუთზე ჩისკოს გუნდი ნიგერიელმა ემანუელ დენისმა დააწინაურა. 35-ე წუთზე ტეემუ პუკიმ ანგარიში გაათანაბრა. შესვენების შემდეგ სტუმრებმა ორი გოლი შეაგდეს, ისმაილა სარის დუბლით ''უოტფორდმა'' 3 ქულა მოიპოვა.
ჩისკოს გუნდი პრემიერ ლიგის მე-6 ტურის შეხვედრას 25 სექტემბერს ''ნიუკასლის'' წინააღმდეგ გამართავს. მატჩი ''უოტფორდის'' საშინაო არენაზე, ''ვიკარიჯ როუდზე'' შედგება.
???? @izosarr ????#NORWAT pic.twitter.com/By66suqViu
— Watford Football Club (@WatfordFC) September 18, 2021
მიმდინარე სეზონში ''უოტფორდმა'' ''ნორვიჩის'' გარდა ''ასტონ ვილა'' დაამარცხა (3:2), ხოლო ''ბრაიტონთან'' (2:0), ''ტოტენჰემთან'' (1:0) და ''ვულვერჰემპტონთან'' (0:2) დამარცხდა.
შეგახსენებთ, გასულ სეზონში თბილისის „დინამოს“ ყოფილმა დამრიგებელმა ინგლისურ კლუბში საოცარი სამუშაო გასწია და „უოტფორდი“ ნანატრ პრემიერ ლიგას დაუბრუნა.
ჩისკომ თბილისის ''დინამო'' კრისტალბეთ ეროვნულ ლიგაში ორჯერ გააჩემპიონა (2019, 2020).