პარალიმპიადა: ისტორიული მედალი - ინა ქალდანი ფინალში დამარცხდა
ტოკიოში მიმდინარე პარალიმპიურ თამაშებზე ინა ქალდანმა ვერცხლის მედალი მოიპოვა.
ქალთა შორის გამართულ ფინალში ქალდანის (-70 კგ.) მეტოქე ბრაზილიელი ალინა მალდონადო იყო, რომელმაც ვაზარით გაიმარჯვა.
მეტოქემ ინას ილეთის შესრულების საშუალება არ მისცა და დაწინაურების შემდეგ თავს კარგად იცავდა.
ინა ქალდანმა ისტორია დაწერა - ის პირველი ქართველი ქალი გახდა, რომელმაც საჭიდაო სახეობებში ოლიმპიადებსა და პარალიმპიადებზე ფინალში გასვლა მოახერხა.
შეგახსენებთ, რომ ქალდანმა ჯერ მექსიკელი მეტოქე დაამარცხა, შემდეგ კი ნახევარფინალში მასპინძელთა წარმომადგენელს სძლია.