7 ქართველი უეფა-ს ახალ ტურნირზე - კონფერენს ლიგის ჯგუფური ეტაპის წილისყრა
თურქეთის ქალაქ სტამბულში უეფა-ს ევროპა კონფერენს ლიგის 2021-22 წლების სეზონის ჯგუფური ეტაპის წილისყრა გაიმართა. ფინალურ ეტაპზე გასული 32 გუნდი 8 ქვეჯგუფში გადანაწილდა.
წილისყრის შედეგები - ჯგუფები
A ჯგუფი - ლასკ; მაკაბი თელ-ავივი; ალაშკერტი; ჰიკი
B ჯგუფი - გენტი; პარტიზანი; ფლორა; ანორთოსისი
C ჯგუფი - რომა; ზორია; ცსკა სოფია; ბოდო გლიმტი
D ჯგუფი - ალკმაარი; კლუჟი; იაბლონეცი; რანდერსი
E ჯგუფი - სლავია პრაღა; ფეიენოორდი; უნიონ ბერლინი; მაკაბი ჰაიფა
F ჯგუფი - კოპენჰაგენი; პაოკ; სლოვანი; ლინკოლნი
G ჯგუფი - ტოტენჰემი; რენი; ვიტესი; მურა
H ჯგუფი - ბაზელი; ყარაბაღი; კაირათი; ომონია
ქართველები ჯგუფურ ეტაპზე
ევროპა კონფერენს ლიგის წლევანდელი სეზონის ჯგუფურ ეტაპზე 6 ქართველი ითამაშებს - დავით ხოჭოლავა, გიორგი ჩაკვეტაძე, ნიკა ნინუა, გურამ კაშია, ჯაბა კანკავა, ნიკა კაჭარავა და გიორგი ლორია.
საინტერესო დამთხვევაა, რომ ხოჭოლავას "კოპენჰაგენი", ნინუას პაოკ-ი და კაშია-კანკავას "სლოვანი" ჯგუფში ერთად მოხვდნენ და გიბრალტარულ "ლინკოლნი"-ს დაუპირისპირდებიან.
ჩაკვეტაძის "გენტი" და ლორია-კაჭარავას "ანორთოსისი" ჯგუფში ასევე ერთად არიან და მეტოქეებად "პარტიზანი" და "ფლორა" ჰყავთ.
ევროპა კონფერენს ლიგა 2021-22
1998-99 წლების შემდეგ პირველი სეზონია, როცა ევროპის ერთდროულად 3 ევროტურნირი გაიმართება. ევროპა კონფერენს ლიგის წლევანდელი გათამაშება ისტორიაში პირველია.
როგორც ვხედავთ, ტურნირის ფინალურ ეტაპზე 32 გუნდი გავიდა. ჯგუფის პირველ-მეორე ადგილზე გასული გუნდები პლეი-ოფის საგზურს მოიპოვებენ და ასპარეზობას 1/8 ფინალიდან გააგრძელებენ.
ევროპა კონფერენს ლიგის 2021-22 წლების სეზონის ფინალური შეხვედრა 25 მაისს, ალბანეთის დედაქალაქ ტირანაში, "არენა კომბეტარე"-ზე ჩატარდება.