როდის გამართავს კონფერენს ლიგის მომდევნო ეტაპის მატჩებს დინამო ბათუმი?
ოთხი ქართული კლუბიდან ევროტურნირები მხოლოდ „დინამო" ბათუმისთვის გრძელდება. კონფერენს ლიგის მეორე საკვალიფიკაციო ეტაპზე, ბათუმი არენაზე მინიმალური მარცხის შემდეგ (1-0), გია გეგუჩაძის გუნდმა „ბატე" სტუმრად, (ბელარუსი) ანგარიშით - 1-4 დაამარცხა (ორი მატჩის ჯამში - 2-4) და კონფერენს ლიგის მესამე საკვალიფიკაციო ეტაპზე „სივასპორს" (თურქეთი) დაუპირისპირდება.
უკვე ცნობილია ევროტურნირის მატჩების განრიგი. ევროპული ფეხბურთის მმართველი ორგანოს ოფიციალური ვებგვერდის მიხედვით, „დინამო" ბათუმი პირველ მატჩს სახლში ჩაატარებს, საპასუხო შეხვედრას კი სტუმრად.
5 აგვისტო, 21:00 საათიდან | „დინამო" ბათუმი v „სივასპორი"
12 აგვისტო, 22:00 საათიდან | „სივასპორი" v „დინამო" ბათუმი
ფოტო: „დინამო" ბათუმი
აღსანიშნავია, რომ საქართველოს კრისტალბეთ ეროვნული ლიგა, 22-ე ტურის მატჩებით, 7 აგვისტოს უნდა განახლდეს, ხოლო უშუალოდ, „დინამო" ბათუმს ტურის პირველი შეხვედრა 8 აგვისტოს, „სამტრედიას" წინააღმდეგ, ბათუმი არენაზე, აქვს ჩანიშნული. ეს კი ნიშნავს, რომ საქართველოს რანგით უმაღლესი ლიგის კალანდარში ცვლილებები შევა და „დინამო" ბათუმის მატჩები გადაიდება.