ტოკიო 2020 - საქართველოს პრეზიდენტი მარგველაშვილის მედალს ეხმაურება
ტოკიოში მიმდინარე ოლიმპიურ თამაშებზე ძიუდოისტმა, ვაჟა მარგველაშვილმა ვერცხლის მედალი მოიპოვა.
66-კილოგრამ წონით კატეგორიის ფინალში ქართველი ძიუდოისტი იაპონელ ჰიფუმი აბეს წინააღმდეგ, ვაზარით დამარცხდა.
მიმდინარე ტოკიო 2020-ზე საქართველოს ნაკრებისთვის ეს პირველი მედალია.
მარგველაშვილის წარმატებას საქართველოს პრეზიდენტი, სალომე ზურაბიშვილი სოციალური ქსელით გამოეხმაურა:
„ჩვენი პირველი მედალი ტოკიოში! ვერცხლი! ვაჟა მარგველაშვილს ვულოცავ ამ ღირსეულ გამარჯვებას… ეს ერთი და სხვა მრავალი", - წერს საქართველოს პირველი პირი.
ტოკიოს ტატამზე ძიუდო ხვალ გაგრძელდება, სადაც საქართველოს სახელით ოლიმპიური ჩემპიონი ლაშა შავდათუაშვილი და ეთერ ლიაპრტელიანი იასპარეზებენ.
