127 წლის შემდეგ - ყველასთვის ცნობილი ოლიმპიური თამაშების დევიზი შეიცვალა

კორონავირუსის პანდემიის გამო, ტოკიოს 2020 წლის ოლიმპიური და პარალიმპური თამაშები 1 წლით გადავადდა და ამიტომ, გასული წლის ნაცვლად მიმდინარე წლის 23 ივლისს დაიწყება და 8 აგვისტოს დასრულდება.

ტოკიოში 205 ქვეყნის 10 000-ზე მეტ ათლეტს ელოდებიან. 12 სახეობიდან 35 სპორტსმენი საქართველოსაც ეყოლება, მათ შორის: 9 ძიუდოისტი, 7 მოჭიდავე, 5 მძლეოსანი, 4 ძალოსანი, 3 მოკრივე, 2 მოცურავე, 1 მსროლელი, 1 მოფარიკავე, 1 კარატისტი, 1 ჩოგბურთელი, 1 ტანმოვარჯიშე.

ოლიმპიური თამაშების გახსნის წინ ცნობილი გახდა, რომ საერთაშორისო ოლიმპიურმა კომიტეტმა (IOC) ტოკიო 2020-ისთვის ახალი დევიზი შეიმუშავა. ყველასთვის ცნობილი  „სწრაფად, მაღლა, ძლიერად!" შეიცვალა და ახალი ფორმულირება შეიძინა - „სწრაფად, მაღლა, ძლიერად – ერთად!" 

The International Olympic Committee (IOC) unanimously approved adding "together" into the Olympic motto at the 138th IOC Session in Tokyo on Tuesday, which means the motto is now "Faster, Higher, Stronger – Together." #Olympics https://t.co/9opBPmpW9S

— CGTN Sports (@CGTNSports) July 20, 2021

ოლიმპიური თამაშების დევიზი 1894 წელს,  თამაშების შემქმნელის, პიერ დე კუბერტენის მიერ დამტკიცდა და მას შემდეგ, 127 წლის განმავლობაში არ შეცვლილა.

სიახლეა ისიც, რომ ტოკიო 2020-ის მიმდინარეობისას ხაზგასმული იქნება სოლიდარობის გამოხატულების მნიშვნელობა, ყურადღება დაეთმობა თანასწორობის საკითხს და დისკრიმინაციის ნებისმიერი გამოხატვის დაუშვებლობას.