უეფამ ჩემპიონთა ლიგისა და ევროპა ლიგის ფინალების მასპინძელი ქალაქები დაასახელა

უეფამ ჩემპიონთა ლიგისა და ევროპა ლიგის ფინალების მასპინძელი ქალაქები ოფიციალურად დაასახელა.

ევროპის ყველაზე პრესტიჟული ტურნირის უახლოესი 4 ფინალის მასპინძელი ქალაქები არიან: სანკტ-პეტერბურგი, სტამბოლი, ლონდონი და მიუნხენი.

როგორც ხედავთ, უეფამ თურქებს ფინალის მასპინძლობის უფლება დაუბრუნა. პანდემიის გამო სტამბოლმა ჩემპიონთა ლიგის ფინალს ვერც 2020-ში და 2021-ში უმასპინძლა. შარშან ფინალი ლისაბონში ჩატარდა, წელს კი პორტუში.

ამრიგად, ქალაქები ფინალებს ასეთი მიმდევრობით უმასპინძლებენ:

2022 წელი - „გაზპრომ არენა", სანკტ-პეტერბურგი

2023 წელი - „ქემალ ათათურქის“ სახელობის არენა, სტაბოლი

2024 წელი - „უემბლი", ლონდონი

2025 წელი - „ალიანც არენა", მიუნხენი

რაც შეეხება ევროპა ლიგას, ფინალის მასპინძელ ქალაქთა სია ასეთია:

2022 წელი - „სანჩეს პისხუანი“ - სევილია

2023 წელი - „პუშკაშ არენა“, ბუდაპეშტი

2024 წელი - „ავივა სთეიდიუმი“, დუბლინი

2025 წელი - „ნუევო სან მამესი“, ბილბაო