სამედიცინო შემოწმება გაიარა - სანჩო მანჩესტერში მალე გაოფიციალურდება
ერთ-ერთი დიდი სატრანსფერო საგა სრულდება. ჯეიდონ სანჩო სულ მალე „მანჩესტერ იუნაიტედის“ ფეხბურთელი გახდება.
ცნობილი სპორტული ჟურნალისტის, ფაბრიციო რომანოს თქმით, ინგლისელმა შემტევმა სამედიცინო შემოწმება გაიარა და ტრანსფერი ოფიციალურად სულ მალე გამოცხადდება. მხარეებს შორის ყველანაირი შეთანხმება მიღწეულია.
Manchester United and Borussia Dortmund have signed all paperworks of Jadon Sancho deal - after agreement in principle announced weeks ago. ???????? #MUFC
— Fabrizio Romano (@FabrizioRomano) July 13, 2021
Sancho also completed his medical as new Man Utd player. Club preparing the ‘real’ official announcement with new kit. #Sancho
ტრანსფერის ღირებულებად 90 მილიონი ევრო სახელდება. სანჩო „წითელ ეშმაკებთან“ 5-წლიან კონტრაქტს მოაწერს ხელს.
სანჩო „დორტმუნდში“
ახალგაზრდა შემტევი გერმანულ კლუბს 2017 წელს შეუერთდა და სულ მალე ერთ-ერთ ლიდერად ჩამოყალიბდა. დღემდე ჯეიდონ სანჩომ „დორტმუნდის“ მაისური ყველა ტურნირზე ერთად 137-ჯერ მოირგო, 50 გოლი გაიტანა და 64 საგოლე გადაცემა შეასრულა.
