წარმატებული მატჩი და დადებითი შეფასებები - მამუკელაშვილმა DRAFT COMBINE-ზე პირველად ითამაშა

ჩიკაგოში, 21 ივნისიდან 27 ივნისამდე 2021 Microsoft Surface Draft combine მიმდინარეობს, რომელშიც მონაწილეობას ქართველი კალათბურთელი, სანდრო მამუკელაშვილიც იღებს. „მამუ“ Draft Combine-ზე 69 პერსპექტიულ ახალგაზრდასთან ერთად მიიწვიეს და მოგვიანებით, მათ G ლიგის რამდენიმე გამორჩეული მოთამაშე დაემატა.

Draft Combine-ზე კალათბურთელებს NBA-ის გუნდების წარმომადგენლებთან ინტერვიუები ექნებათ, 5-5-ზე გამართულ მატჩებში მონაწილეობას მიიღებენ და სხვადასხვა ვარჯიშებს გაივლიან (სიძლიერე, სროლა, მოძრაობა). 25 ივნისს, პირველი მატჩი გაიმართა და პარკეტზე სანდრო მამუკელაშვილი ვიხილეთ.

Fantastic find from Austin Reaves to Sandro Mamukelashvili out of the P&R as Mamu gets his first bucket of this scrimmage. pic.twitter.com/BcHQFirZza

— Aram Cannuscio (@AC__Hoops) June 24, 2021

„მამუმ“ 23 წუთზე ოდნავ მეტი ითამაშა და 9 ქულა, 6 მოხსნა და 2 ჩაჭრა გაიფორმა. ქართველმა კალათბურთელმა 10-დან 4 ბურთი ჩააგდო, ერთი საჯარიმო გამოიყენა, 3 სამქულიანი გააცუდა, 2 დაკარგვა ჰქონდა და 1 პერსონალური ფოლი მიიღო. სხვათა შორის, მამუკელაშვილის გუნდში 9 ქულაზე მეტი არავის ჰქონია.

POINT MAMU

Sandro Mamukelashvili with the coast to coast bucket after getting by Moses Wright with the behind the back dribble! pic.twitter.com/fNtolxx6OV

— Aram Cannuscio (@AC__Hoops) June 24, 2021

მატჩის შემდეგ, მამუკელაშვილის გამოსვლა NBA-ის ინსაიდერმა და ანალიტიკოსმა, ბრეტ სიგელმა შეაფასა: „სეტონ ჰოლის წარმომადგენელი, სანდრო მამუკელაშვილი კიდევ ერთი ბიჭია, რომელმაც დღეს კარგად ითამაშა. მისი სიმაღლის გათვალისწინებით, ძალიან მომეწონა ის, თუ სანდრო ბურთს როგორ ატარებს. იგი ე.წ point-forward-ს ჰგავს“.