ფლოიდ მეივეზერმა მენი პაკიაო დაამარცხა
3 მაისს ლას ვეგასში საშუალო წონაში WBA-ს, WBC-სა და WBO-ს საჩემპიონო ტიტულებისთვის ბრძოლა მენი პაკიაოსა და ფლოიდ მეივეზერის შორის გაიმართა.
მეივეზერმა მსაჯების ერთსულოვანი გადაწყვეტილებით გაიმარჯვა - 116:112, 116:112, 118:110.
ბრძოლის ოფიციალური სტატისტიკის თანახმად ფლოიდი რინგზე უფრო ეფექტურად მოქმედებდა.
მეივეზერის 435 დარტყმიდან მიზანს 148-მ უწია. პაკიაოს 429 დარტყმიდან კი მიზანში 81 მოხვდა.
ბრძოლის შემდეგ ორი მოკრივემ კომენტარი გააკეთა.
"ეს დიდებული ბრძოლა იყო, საკუთარი თავი საუკეთესოდ წარმოვაჩინეთ. აღფთოვანებული ვარ მენით. ის ერთ-ერთი ყველაზე დიადი მოკრივეა და დღეს მან ეს ყველას დაუმტკიცა", - თქვა მეივეზერმა.
პაკიაო კი მსაჯების ერთსულოვანი გადაწყვეტილებით გაკვირვებული იყო.
"ეს კარგი დაპირისპირება იყო და მეგონა, რომ მოვიგე. მეივეზერს არაფერი გაუკეთებია გამარჯვებისთვის. ის მთელი ბრძოლა დისტანციაზე ფიქრობდა, მე კი სულ ვუტევდი", - თქვა პაკიაომ.
