კაირის ტრავმა და მილუოკის მეორე - ბაქსმა სერიაში ანგარიში გაათანაბრა
„მილუოკი ბაქსმა“ „ბრუკლინ ნეთსთან“ სერიაში ანგარიში გაათანაბრა. იანის ანტეტოკოუნმპოს გუნდმა მეოთხე შეხვედრაში მნიშვნელოვანი გამარჯვება მოიპოვა და მრისხანე მეტოქე 107-96 დაამარცხა.
მეორე მეოთხედში „ბრუკლინი“ რთულ მდგომარეობაში აღმოჩნდა. „ნეთსის“ ლიდერმა, კაირი ირვინგმა კოჭის ტრავმა მიიღო და პარკეტის დატოვება მოუწია. გუნდის თავკაცის, სტივ ნეშის მიხედვით, რენტგენს მძიმე დაზიანება არ გამოუვლენია, თუმცა კაირის დამატებით გამოკვლევებს ჩაუტარებენ და მისი ზუსტი დიაგნოზი სწორედ ამის შემდეგ გახდება ცნობილი.
ირვინგმა პარკეტზე 17 წუთზე ოდნავ მეტი გაატარა და 11 ქულას, 5 მოხსნასა და 2 შედეგიან გადაცემას დასჯერდა. კევინ დურანტს 28 ქულა, 13 მოხსნა და 5 ასისტი ჰქონდა, მათ გარდა კი „ნეთსის“ რიგებში 10-ქულიანი ნიშნული ვერავინ გადალახა.
All will. pic.twitter.com/1PROz14VWE
— Brooklyn Nets (@BrooklynNets) June 13, 2021
„მილუოკის“ 34 ქულით იანის ანტეტოკოუნმპომ ულიდერა. კრის მიდლტონს 19 ქულა ჰქონდა. ჯრუ ჰოლიდეი 14 ქულას დასჯერდა, ხოლო ტაკერმა და ფორბსმა 13 და 10 ქულა დააგროვეს.
The Greek Freak in Game 4:
— Milwaukee Bucks (@Bucks) June 13, 2021
34 PTS | 12 REB | 3 AST | 1 BLK pic.twitter.com/7LYRdKCHf4
შეგახსენებთ, რომ სერიაში ანგარიში 2-2-ია და მომდევნო შეხვედრა 16 ივნისს, „ბრუკლინის“ საშინაო არენაზე გაიმართება.”