უთანასწორო ორთაბრძოლა - ლამარ ოდომმა მომღერალი დაანოკაუტა
ატლანტიკ სითიში მდებარე Showboat Hotel-ში უთანასწორო ორთაბრძოლა გაიმართა, რომელშიც NBA-ის ყოფილი კალათბურთელი, ლამარ ოდომი მომღერალ აარონ კარტერს დაუპირისპირდა.
„მოკრივეებს“ შორის გაბარიტებში და წონაში დიდი განსხვავება იყო და „ლეიკერსის“ ექს-მოთამაშეს გამარჯვების მოპოვება არ გასჭირვებია. ოდომისთვის წვდომში უპირატესობისა და საკუთარი ძალის გამოყენება პრობლემა არ ყოფილა და მან მეორე რაუნდში მოპოვებული ნოკაუტით იმარჯვა.
How was this even remotely a fair fight? Lamar is 10 inches taller and 65 pounds heavier than Carter. ????pic.twitter.com/30exy2TXIL
— WG (@NvictusManeo) June 12, 2021
კარტერის სტრატეგია რინგზე სწრაფად გადაადგილება და მეტოქისთვის დარტყმების მიყენება გახლდათ, მაგრამ გასაკვირი არაა, რომ არაფერი გამოუვიდა. პირველ რაუნდში მან მიზანს რამდენჯერმე მიაღწია, თუმცა ოდომს მის დარტყმებზე რეაქცია ფაქტობრივად არ ჰქონია.
Lamar Odom just knocked out Aaron Carter in the second round of their fight.
— SportsCenter (@SportsCenter) June 12, 2021
(via @FiteTV)pic.twitter.com/TMLxEPGGFN
სხვათა შორის, რინგზე მყოფი მსაჯის ფუნქციები UFC-ის ლეგენდამ, ჩაკ ლიდელმა შეითავსა. ამ უკანასკნელს ბრძოლაში ჩართვა რამდენჯერმე მოუწია და შეგვიძლია ვთქვათ, რომ საკუთარი დავალება ხუთიანზე შეასრულა.