ნადალი დამარცხებულია - ჯოკოვიჩის ისტორიული გამარჯვება
სერბი ჩოგბურთელი ნოვაკ ჯოკოვიჩი როლან გაროსის ფინალში გავიდა.
საფრანგეთის ღია პირველობის ნახევარფინალში „ნოლემ“ რაფაელ ნადალი ანგარიშით 3:6 6:3 7:6 6:2 დაამარცხა და ფინალში ბერძენ სტეფანოს ციციპასს შეხვდება, რომელმაც თავის შეხვედრაში ალექსანდრ ზვერევს 6:3 6:3 4:6 4:6 6:3 აჯობა.
შეხვედრა 4 საათზე მეტს გაგრძელდა და ამ დროის განმავლობაში სერბმა ჩოგბურთელმა 6 ეისი შეასრულა და 3 ორმაგი შეცდომა დაუშვა. თიხის მეფემ კი შეხვედრა 6 ეისით და 8 ორმაგი შეცდომით დაასრულა.
Impossible Achieved ????@DjokerNole becomes the first player in history to defeat Nadal in a Paris semi-final, besting the Spaniard 3-6, 6-3, 7-6(4), 6-2 to reach the title match.#RolandGarros pic.twitter.com/Cfy4178lSW
— Roland-Garros (@rolandgarros) June 11, 2021
როლან გაროსის ფინალი კვირას 13 ივნისს თბილისის დროით 17:00 საათზე გაიმართება.