მილუოკის პირველი გამარჯვება - ბაქსმა 86 ქულა ჩააგდო, მაგრამ მაინც მოიგო
„მილუოკი ბაქსმა“ „ბრუკლინ ნეთსთან“ სერიაში ჩამორჩენა შეამცირა. იანის ანტეტოკოუნმპოს გუნდმა საკუთარ კედლებში გამართულ პირველ შეხვედრაში მხოლოდ 86 ქულა ჩააგდო, თუმცა ეს გამარჯვებისთვის საკმარისი აღმოჩნდა.
„მილუოკიმ“ პირველი მეოთხედი 19 ქულით მოიგო, მაგრამ მეორე თორმეტწუთეული ჩააგდო და დიდ შესვენებაზე 3-ქულიანი უპირატესობით გავიდა. მესამე მეოთხედი თანაბარ ბრძოლაში წარიმართა და გამარჯვებულის ვინაობა ბოლო წუთებში გაირკვა. თამაშის დასრულებამდე 11 წამით ადრე, ჯრუ ჰოლიდეიმ უმნიშვნელოვანესი სამქულიანი ჩააგდო და საკუთარი გუნდი 1 ქულით დააწინაურა. „ბრუკლინს“ ჯერ წინ გასვლა, ხოლო შემდეგ ანგარიშის გათანაბრება შეეძლო, მაგრამ არაფერი გამოუვიდა და მიმდინარე პლეიოფში „მილუოკისთან“ პირველად დამარცხდა.
▪️ KD & Khris trade clutch buckets
— NBA (@NBA) June 11, 2021
▪️ Jrue spins in for the go-ahead ✌️
▪️ Milwaukee ???? late to seal the W@Bucks vs. @BrooklynNets was INTENSE down the stretch! #ThatsGame
Game 4 - Sunday, 3 PM ET, ABC ???? pic.twitter.com/71yv40QEBt
„ბაქსს“ ანტეტოკოუნმპოსა და მიდლტონის დუეტმა ულიდერა, რომელმაც 86 ქულიდან 68 ჩააგდო. მიდლტონს 35 ქულა, 15 მოხსნა და 1 შედეგიანი გადაცემა ჰქონდა, ხოლო იანისს - 33 ქულა, 14 მოხსნა და 2 ასისტი. „მილუოკის“ რიგებში მათ გარდა 10-ქულიანი ნიშნული ვერავინ გადალახა, ხოლო ჯრუ ჰოლიდეი 9 ქულას დასჯერდა.
Giannis, Khris TAKE OVER for the @Bucks in Game 3! #ThatsGame@Khris22m: 35 points, 15 boards@Giannis_An34: 33 points, 14 boards
— NBA (@NBA) June 11, 2021
Game 4 - Sunday, 3 PM ET, ABC pic.twitter.com/wFeH5Zk9Cu
„ბრუკლინს“ 30 ქულით კევინ დურანტმა ულიდერა. კაირი ირვინგმა 22 ქულა, 5 მოხსნა და 1 შედეგიანი გადაცემა მიითვალა. ბრაუნის ანგარიშზე 16 ქულა, 11 მოხსნა და 3 შედეგიანი გადაცემა იყო, ბლეიკ გრიფინმა კი 5 ქულა და 6 მოხსნა დააგროვა.
CAN YOU IMAGINE??
— NBA (@NBA) June 11, 2021
KD almost gets it to go at the buzzer in Game 3 ???? pic.twitter.com/U8rCC3Id7i
შეგახსენებთ, რომ „ბრუკლინი“ სერიაში 2-1-ს იგებს და მომდევნო შეხვედრას კვლავ სტუმრად გამართავს. მატჩი 11 ივნისსაა ჩანიშნული.