გადაწყდა - კუმანი ბარსას მომავალ სეზონშიც უხელმძღვანელებს!

რონალდ კუმანთან დაკავშირებული საპნის ოპერა დასრულდა ნიდერლანდელი სპეციალისტი „ბარსელონას“ მომავალ სეზონშიც გაწვრთნის. ინფორმაცია ცნობილმა ჟურნალისტმა ფაბრიციო რომანომ გაავრცელა.

რონალდსა და ლაპორტას შორის შეხვედრა შედგა. მხარეებმა სამომავლო გეგმები განიხილეს. პრეზიდენტმა მწვრთნელს ხელფასის შემცირება შესთავაზა, რაზეც კუმანი დათანხმდა.

რომანოს თქმით, ლაპორტამ გადაწყვიტა, რომ ნიდერლანდელ სპეციალისტს კიდევ მისცეს შანსი და აქედან გამომდინარე კუმანი „ბარსელონას“ მინიმუმ 1 წლით კვლავ უხელმძღვანელებს.

Ronald Koeman STAYS at Barcelona, confirmed. Koeman agents were ‘confident’ since one week and now the agreement is imminent. Joan Laporta decided to continue with Koeman as manager next season. Here we go. ???????????????? #FCB #Barcelona #Koeman

— Fabrizio Romano (@FabrizioRomano) June 3, 2021

შეგახსენებთ, რომ ნიდერლანდელი სპეციალისტის ხელმძღვანელობით „ბარსელონამ“ გასულ სეზონში მხოლოდ კოპა დელ რეი მოიგო. ლა ლიგა მე-3 ადგილზე დაასრულა და ჩემპიონთა ლიგას მერვედფინალურ სტადიაზე დაემშვიდობა.

ამ ყველაფრიდან გამომდინარე სპორტულ პრესაში ხშირად იწერებოდა, რომ მას გაუშვებდნენ და „ბლაუგრანას“ საჭეს კლუბის ლეგენდარული ყოფილი ფეხბურთელი ხავი ერნანდესი ჩაიბარებდა.