მესამე გამარჯვება - ძაგნიძემ მსოფლიოს ექს-ჩემპიონი დაამარცხა
გიბრალტარში ფიდეს ქალთა გრან პრის დასკვნითმა ეტაპი მიმდინარეობს,სადაც ქართული ჭადრაკის ლიდერის ნანა ძაგნიძეც მონაწილეობს.
ნანა ძაგნიძემ მესამე გამარჯვება მეცხრე ტურში იზეიმა. ქართველმა მოჭადრაკემ თეთრი ფიგურებით იასპარეზა მსოფლიოს ექს-ჩემპიონი ბულგარელი ანტუანეტა სტეფანოვა დაამარცხა.
მიმდინარე გრან პრიზე ნანამ მხოლოდ ორი პარტია დათმო. ძაგნიძე მეოთხე წრეში გერმანელ ელიზაბეთ პესთან, ხოლო მეშვიდეში ყაზახ ჟანსაია აბდუმალიკთან წააგო.
ჩატარებული 9 ტურის შემდეგ ნანა ძაგნიძეს 5 ქულა აქვს და სატურნირო ცხრილში მეექვსე პოზიციას იკავებს.
მომდევნო შეხვედრაში ქართველი მოჭადრაკე რუს ალინა კაშლინსკაიას დაუპირისპრიდება.
შეგახსენებთ,რომ გრან პრიში 12 მონაწილეა და ტურნირი წრიული სისტემით 11 ტურად გაიმართება.