ავსტრიის ბუნდესლიგის ბოლო ტურში კიტეიშვილის „შტურმმა" ევროპა ლიგის საგზური მოიპოვა
ავსტრიის ბუნდესლიგის ბოლო ტურში ქართველი ლეგიონერების, გურამ გიორბელიძისა და ლუკა ლოჩოშვილის „ვოლფსბერგერმა" ოთარ კიტეიშვილის „შტურმს" უმასპინძლა და ანგარიშით - 1-3 დამარცხდა.
„ვოლფსბერგერი" 28-ე წუთზე კაცნაკლული დარჩა, 36-ე წუთზე კი დაწინაურებაც შეძლო (1-0), თუმცა მიუხედავად იმის, რომ შტურმმა თერთმეტმეტრიანი ვერ გამოიყენა, მეორე ნახევარი მაინც შესანიშნავად ჩაატარა, გაიმარჯვა (1-3) და შედეგად, ევროპა ლიგის საკვალიფიკაციო ეტაპის საგზური მოპოვა.
მატჩი შეუცვლელად ითამაშა ოთარ კიტეიშვილმა, რომელიც საგოლე გადაცემით გამოირჩა, გიორბელიძე მოედანზე 67-ე წუთის მიმდინარეობისას გამოჩნდა, ხოლო ლუკა ლოჩოშვილი სათადარიგო იყო.
ავსტრიის ბუნდესლიგის დასრულებულ სეზონში ოთარ კიტეიშვილმა 27 მატჩი ჩაატარა, 7 გოლი გაიტანა და 4 შედეგიანი გადაცემითაც გამოირჩა.