მიქაუტაძის დუბლი და სერენი ჟუპილერ ლიგაშია!
ბელგიის ჟუპილერ ლიგაში გიორგი მიქაუტაძის „სერენი“ ითამაშებს!! ქართველი ფეხბურთელის გუნდმა პლეი-ოფის მატჩში სტუმრად „ბევერენი“ 5:2 დაამარცხა და ბელგიის მთავარ ჩემპიონატში გადავიდა.
აღსანიშნავია, რომ დუბლის შესრულება „ჯვაროსნების“ ახალწვეულმა შეძლო და ამით გუნდს ძალიან დაეხმარა.
@MikautadzeG @RfcSeraing167 je suis visionnaire et George est un boss ????????????????????????⚫ #welcomeD1A https://t.co/83JEwfxSnT
— Chris ???????? (@ChrisBuckB) May 8, 2021
გიორგიმ პირველ ტაიმში პენალტის ნიშნულიდან გაიტანა და ამით წონასწორობა აღადგინა. მეორე გოლი იმ დროს გაიტანა, როდესაც „სერენი“ 3:1-ს იგებდა და მიქაუტაძემ სხვაობა სამამდე გაზარდა. გუნდს კი გადამწყვეტი უპირატესობა მოუპოვა. ასევე გეტყვით, რომ გიორგიმ "სერენის" მესამე გოლშიც მიიღო მონაწილეობა. 20 წლის შემტევმა საგოლე გადაცემა ჩაიწერა აქტივში.
ცნობისთვის, პირველი შეხვედრა ფრედ 1:1 დასრულდა და იმ მატჩშიც გოლი გიორგიმ გაიტანა. შეგახსენებთ, რომ ქართველ თავდამსხმელს მიმდინარე სეზონში ყველა ტურნირზე ერთად 22 გოლი დაუგროვდა.