ისტორიაში 31-ედ - ბაიერნი ბუნდესლიგის ჩემპიონია!
ბუნდესლიგის მორიგ ტურში „დორტმუნდმა“ „ლაიპციგს“ უმასპინძლა და მძიმე ბრძოლაში 3:2 დაამარცხა. ამ შედეგით კი „რედ ბულის“ გუნდს „ბაიერნის“ დაწევის თეორიული შანსიც კი აღარ აქვს. ასე რომ „რეკორდმაისტერმა“ ბუნდესლიგა ისტორიაში 31-ედ და ზედიზედ მეცხრედ მოიგო.
Bayern Munich are Champions???? pic.twitter.com/dYtPk8jQdU
— ⚽️442oons⚽️ (@442oons) May 8, 2021
31 მატჩის შემდეგ, ფლიკის გუნდს 71 ქულა აქვს. – 22 მოგება, 5 ფრე და 4 მარცხი. 86 გატანილი და 40 გაშვებული გოლი. ასეთია „ბაიერნის“ მიმდინარე სეზონის სტატისტიკა.
ცნობისთვის, „ბაიერნს“ აქტივში კიდევ 3 მატჩი აქვს. მომდევნო შეხვედრას კი დღეს 8 მაისს, შინ „გლადბახის“ წინააღმდეგ უკვე ჩემპიონის რანგში გამართავს.