ისტორიაში პირველად - სიტიმ პსჟ დაამარცხა და ჩემპიონთა ლიგის ფინალშია
„მანჩესტერ სიტიმ“ ჩემპიონთა ლიგის ნახევარფინალური ეტაპის ბარიერი დაძლია და ფინალში ითამაშებს. „ქალაქელებმა“ „პარი სენ-ჟერმენი“ ასპარეზობას დამსახურებულად გამოთიშეს და მაურისიო პოჩეტინოს გუნდს მეორე მატჩიც მოუგეს.
დღევანდელი დაპირისპირება პარიზელთა კარნახით დაიწყო, თუმცა მე-11 წუთზე რიად მაჰრეზმა ანგარიში გახსნა. პირველ ტაიმში გოლი აღარ გასულა, 63-ე წუთზე კი მაჰრეზმა დუბლი გაიფორმა. ყველაფერი ფაქტობრივად 69-ე წუთზე დასრულდა, როცა დი მარიამ იუხეშა და წითელი ბარათი მიიღო, დარჩენილ დროში კი ანგარიში აღარ შეცვლილა და „სიტიმ“ 2-0, ხოლო ორი მატჩის ჯამში 4-1 იმარჯვა.
„ქალაქელები“ ჩემპიონთა ლიგის ფინალში ისტორიაში პირველად გავიდნენ. აქამდე მათი საუკეთესო შედეგი ნახევარფინალური ეტაპი იყო, რომელზეც 2016 წელს და მიმდინარე გათამაშებაში იასპარეზეს. პეპ გუარდიოლას რაც შეეხება, ესპანელი სპეციალისტი კარიერაში ჩემპიონთა ლიგის ფინალში მესამედ გავიდა.
11 – Manchester City are the first English side to win 11 games in a single European Cup/Champions League campaign. Dominance. https://t.co/pdJHlXxPyc
— OptaJoe (@OptaJoe) May 4, 2021
ცნობისთვის, „სიტი“ პირველი ინგლისური გუნდია, რომელმაც ჩემპიონთა თასისა და ჩემპიონთა ლიგის ისტორიაში ერთ გათამაშებაში 11 შეხვედრა მოიგო. პეპ გუარდიოლამ კი მაურისიო პოჩეტინოს წინააღმდეგ მეოცე მატჩი ჩაატარა და არგენტინელი სპეციალისტი მე-12-ედ დაამარცხა.
12 - Mauricio Pochettino has lost more games against Pep Guardiola than he has vs any other manager in his career (12). Pep Guardiola’s total of 12 wins vs Pochettino is his joint-most against a manager in his career as a top-flight boss (level with Pellegrini & Dyche). Thorn. pic.twitter.com/9GRDfjpJsm
— OptaJoe (@OptaJoe) May 4, 2021