კვარაცხელიას შეძენით აიაქსი დაინტერესდა!
ხვიჩა კვარაცხელიას ირგვლივ ყოველ კვირა ახალი ინფორმაცია ვრცელდება და მისით სულ უფრო მეტი კლუბი ინტერესდება. რუსული sport-express-ის ცნობით, ამჯერად ქართველი ტალანტის შეძენით ამსტერდამის „აიაქსია“ დაინტერესებული.
წყაროს ცნობით, ხვიჩას აგენტი ამსტერდამში გაემგზავრება და კლუბის სპორტულ დირექტორს მარკ ოვერმარსს შეხვდება.
“ნიდერლანდული კლუბი კვარაცხელიას შეძენით არის დაინტერესებული. იქამდე კი Tuttomercatoweb-მა დაწერა, რომ ფეხბურთელის მიმართ ინტერესს ატალანტა, იუვენტუსი, მილანი, ინტერი და დორტმუნდი იჩენენ“. - წერს რუსული გამოცემა.
2020-21 წლების სეზოში „რუბინის“ რიგებში ხვიჩას ანგარიშზე 21 მატჩში 4 გოლი და 8 საგოლე გადაცემაა.
აქვე გეტყვით, რომ ქართველი ფეხბურთელის ფასი სანაკრებო პაუზის შემდეგ ერთბაშად 5 მილინით გაიზარდა. კვარაცხელიამ რუსეთის პრემიერ ლიგის ყველაზე გაძვირებული მოთამაშის სტატუსი დაისაკუთრა და მისმა სატრანსფერო ღირებულებამ 5 მილიონი ევროთი მოიმატა.
მარტის სანაკრებო პაუზამდე Transfermarkt-ზე ხვიჩას ფასი 10 მილიონი ევრო გახლდათ, დღეიდან კი 20 წლის ქართველი 15 მილიონი ევრო ღირს. აღსანიშნავია, რომ ხვიჩა Transfermarkt-ის მიხედვით, ყველაზე ძვირადღირებული ქართველი ფეხბურთელი გახდა. აქამდე „კვარა“ პირველ ადგილს სოლომონ კვერკველიასთან ერთად იკავებდა, რომელსაც 2019 წელს გერმანული სააგენტო 10 მილიონ ევროდ აფასებდა, ახლა კი 15 მილიონით ერთპიროვნულ ლიდერად იქცა.