სიტყვების ომი კონორსა და პორიეს შორის - დასტინი ამბობს, რომ მაკგრეგორმა პირობა დაარღვია
UFC-ის მებრძოლის, დასტინ პორიეს თქმით, კონორ მაკგრეგორმა პირობა არ შეასრულა და ამერიკელის საქველმოქმედო ფონდს 500 000 აშშ დოლარი არ გადაურიცხა. 2020 წლის ბოლოსკენ, როცა კონორი და დასტინი ბრძოლის გამართვის თაობაზე მოლაპარაკებებს აწარმოებდნენ, ირლანდიელმა განაცხადა, რომ პორიესა და მისი მეუღლის საქველმოქმედო ორგანიზაციას, The Good Fight Foundation-ს სოლიდური თანხით დაეხმარებოდა, თუმცა როგორც ჩანს, სიტყვა არ შეასრულა.
ახლახან, მაკგრეგორმა „ტვიტერის“ საკუთარ გვერდზე პოსტი გამოაქვეყნა და ის ილეთი დაასახელა, რომლითაც მესამე ბრძოლაში დასტინს დაამარცხებდა. ამერიკელი სწორედ ამ პოსტს გამოეხმაურა და განაცხადა: „სახალისო პროგნოზია. შენ ისიც ივარაუდე, რომ ჩემს საქველმოქმედო ფონდს შემოწირულობას გაუკეთებდი, მაგრამ შენ და შენმა გუნდმა იანვარში გამართული ჩხუბის შემდეგ, ჩვენთვის პასუხის გაცემა შეწყვიტეთ“.
That's a fun prediction! @TheNotoriousMMA you also predicted a donation to my foundation and you and your team stopped responding after the fight in January.
— The Diamond (@DustinPoirier) April 11, 2021
See you soon.
July 10th Paid In Full!
ამ პოსტის შემდეგ, „ტვიტერის“ ერთ-ერთმა მომხმარებელმა პორიეს გაახსენა, რომ მან და მისმა მეუღლემ ბრძოლამდე დაადასტურეს, რომ მაკგრეგორი დანაპირებს ასრულებს და მას მადლობაც გადაუხადეს, რაზეც დასტინის პასუხი ასეთი გახლდათ: „მადლობა იმიტომ გადავუხადეთ, რომ ბრძოლის კვირისას მისი გუნდი დაგვიკავშირდა, რათა თანხის გადარიცხვის პროცესი დაწყებულიყო, მაგრამ ჩხუბის შემდეგ გაუჩინარდნენ და ბოლო 2 თვის განმავლობაში უპასუხოდ გვტოვებდნენ. ჩემი საქველმოქმედო ფონდი მათ 3-ჯერ დაუკავშირდა, მაგრამ პასუხი არ მიუღია. გადავწყვიტეთ, ეს ყველაფერი უკან დავტოვოთ და წინსვლა გავაგრძელოთ. ჩვენს ახალ მიზანს მალე გავასაჯაროვებთ“.
We thanked him because his team reached out fight week to initiate the process but ghosted us the past 2 months after the fight. My foundation has reached out 3 times since with no reply. We've moved past it! We will be announcing our next goal soon! Its a big one???? https://t.co/mtiOFBsd2q
— The Diamond (@DustinPoirier) April 12, 2021
პორიეს სიტყვებს კონორი ასე გამოეხმაურა: „შემოწირულობა ვალი არაა. ველოდებოდით გაგვეგო ამ თანხასთან დაკავშირებით რა გეგმები გქონდათ, მაგრამ არაფერი მიგვიღია. ჩემი ყველა შემოწირულობისას ასე ვიქცევი და თავიდან ბოლომდე ვიცი ისინი სად მიდიან. თუ ასე არაა, ისინი არსად მიდიან. სამწუხაროდ, ასეთი რამ ბევრ საქველმოქმედო ფონდთან მიმართებით ხდება. შენ ქამრისთვის ჩხუბის ნაცვლად, ჩემთან ბრძოლის გამართვას დათანხმდი და ეს ადასტურებს, რომ მართალი ვარ“.
A donation, not a debt. We’ve been awaiting the plans for the money that never came. I do with all my donations. Know where it’s going dot for dot. Otherwise it goes walking. As is the case with a lot of these foundations, sadly. You took the McG over the belt shows I was right.
— Conor McGregor (@TheNotoriousMMA) April 12, 2021
მებრძოლებს შორის გამართული სიტყვების ომი ასე არ დასრულებულა და პორიეს მაკგრეგორი პასუხის გარეშე არ დაუტოვებია: „ვალი არასდროს ყოფილა! შენ შემოგვთავაზე, ჩვენ - დაგთანხმდით. როგორც უკვე ვთქვი, შენს გუნდს ჩვენს ელექტრონულ წერილებზე, რომელთა შორის თანხის გამოყენების პროცესთან დაკავშირებული დეტალებიც იყო, არ უპასუხია. 10 ივლისს შენ წაგებას კიდევ ერთხელ იგრძნობ“.
100% never a debt. You offered, we accepted, and like I said your Team never responded to our emails regarding the process of where funds would be put to work! July 10th you will taste defeat yet Again https://t.co/k3Cu9DG1Me
— The Diamond (@DustinPoirier) April 12, 2021
პორიეს სიტყვებმა ირლანდიელი მებრძოლი გააღიზიანა და კონორმა თავის ბოლო პოსტში განაცხადა, რომ 10 ივლისს მასთან აღარ იჩხუბებს: „ყურებით რატომ ფიქრობ? შენ უბრალოდ უტვინო სოფლელი ხარ. 500 000 დოლარი გეგმების გარეშე... ალბათ ფულთან ახალი ხარ და მასზე არაფერი იცი. სხვათა შორის, ჩვენი ბრძოლა აღარ გაიმართება. 10 ივლისს შენ მაგივრად, ვინმე სხვას ვეჩხუბები“.
You’re ripped you inbred hillbilly. Why do you wink with your ears? You fucking brain dead hillbilly. 500k with no plan in place. Ye hang tight. Fool. You must be new to money. The fight is off btw. I’m going to fight someone else on the 10th. Good luck on your old contract kid.
— Conor McGregor (@TheNotoriousMMA) April 12, 2021
შეგახსენებთ, რომ UFC 257-ის ფარგლებში პორიემ კონორი დაანოკაუტა და მესამე ბრძოლა 10 ივლისს უნდა გამართულიყო, მაგრამ როგორც ჩანს, ყველაფერი შეიცვალა.