ოფიციალურად - რამაზ ზოიძე ტოკიო 2020-ის ოლიმპიურ თამაშებზე იასპარეზებს!
ბუდაპეშტში მიმდინარე ევროპის საკვალიფიკაციო ტურნირის ნახევარფინალში 67 კგ კატეგორიაში ქართველი ფალავანი რამაზ ზოიძე სომეხ სლავიკ გალსტიანს დაუპირისპირდა და უდიდესი უპირატესობით 10:1 დაამარცხა.
რამაზ ზოიძე ამ გამარჯვებით საკვალიფიკაციო ეტაპის ფინალში გავიდა და ტოკიო 2020-ის ოლიმპიურ თამაშებზე მონაწილეობის უფლება მიიღო.