კვლავ ბუდაპეშტში - ლივერპული ლაიპციგს ენფილდზე ვერ შეხვდება
კორონავირუსთან ბრძოლის მიზნით და ახალი შეზღუდვების გამო ჩემპიონთა ლიგის მერვედფინალური დაპირისპირება "ლაიპციგსა" და "ლივერპულს" შორის ბუდაპეშტში პუშკას არენაზე გაიმართა. მთავარი მიზეზი ახალი ბრიტანული შტამი იყო, რომელიც ბრიტანეთში აქტიურად არის გავრცელებული. ამის გამო კი გერმანიაში "ლივერპული" არ შეუშვეს.
ℹ️ The second leg of our @ChampionsLeague last 16 tie against @LFC will also take place at the Puskás Aréna in Budapest ????????
— RB Leipzig English (@RBLeipzig_EN) March 4, 2021
Kick-off is at 21:00 CET on 10th March ????
????⚪ #RBLeipzig #LFCRBL pic.twitter.com/ssno2ndRaL
უეფა-ს გადაწყვეტილებამ მერსისაიდული გრანდის მესვეურები და გულშემატკივრები აღაშფოთა, თუმცა პროტესტს აზრი არ აქვს. მათი გაღიზიანება კი იმან უფრო გაამწვავა, რომ "მანჩესტერ სიტი" "გლადბახს" საკუთარ კედლებში მიიღებს და არანაირი პრობლემა არ შეიქმნება. მიზეზად ის დასახელდა, რომ ახალი ბრიტანული შტამი ინგლისის ყველა რეგიონში არ არის და ქალაქი მანჩესტერი უსაფრთხო ქალაქების კატეგორიას მიეკუთვნება.
შეგახსენებთ, რომ "ლაიპციგმა" პირველი მერვედფინალური მატჩი "ლივერპულთან" 0:2 დათმო და მათი შემდეგ ეტაპზე გასვლა დიდი კითხვის ნიშნის ქვეშ დგას. თავისმხრივ "ენფილდზე" თამაში ყველა გუნდისთვის რთულია და პუშკას არენაზე მატჩის ჩატარება ოდნავ უმსუბუქებს სიტუაციას გერმანელებს. ცნობისთვის, ხსენებული დაპირისპირება 10 მარტით თარიღდება.