11 მორაგბე და 2 მწვრთნელი დაინფიცირდა - საფრანგეთი VS შოტლანდია გადაიდო
კვირას, 28 თებერვალს 6 ერის ეგიდით მნიშვნელოვანი დაპირისპირება უნდა გამართულიყო. საფრანგეთი შოტლანდიას მასპინძლობდა, თუმცა კორონავირუსის აფეთქების გამო ხსენებული მატჩი გადაიდო. ინფორმაცია 6 ერის ოფიციალურმა გვერდმა გაავრცელა.
ვიგებთ, რომ საფრანგეთის ნაკრების 11 მორაგბე და 2 მწვრთნელი დაინფიცირდა. შეხვედრის ჩატარების ახალი თარიღი კი მოგვიანებით გახდება ცნობილი. ახლა "მამლები" სრული შემადგენლობით კარანტინში არიან გადაყვანილნი.
The Round 3 Guinness Six Nations clash between France and Scotland has been postponed from its original date of Sunday, February 28th.#GuinnessSixNations https://t.co/t8pCGIdHK6
— Guinness Six Nations (@SixNationsRugby) February 25, 2021
"სპეციალურმა ჯგუფმა ორივე ნაკრებს თამაშის გადადება ურჩია. ჩვენ ამ საკითხზე ვიმუშავებთ და რაც შეიძლება მალე დავასახელებთ მატჩის ჩატარების ახალ თარიღს." - ვკითხულობთ ოფიციალურ განცხადებაში
ცნობისთვის, 6 ერის მომდევნო ტურში ირლანდია იტალიას ესტუმრება, ხოლო უელსი კი საკუთარ კედლებში ინგლისს გაეჯიბრება.
