ისტორიული დღე - ევროპა ლიგაზე გოლების რეკორდი დამყარდა
ევროპა ლიგის გუშინდელი სათამაშო დღე ისტორიული გამოდგა და გათამაშების ახალი რეკორდი დამყარდა. საქმე 1/16 ფინალური ეტაპის ერთ სათამაშო დღეს გატანილ გოლებს ეხება.
გუშინ გამართულ 16 მატჩში ჯამურად 59 გოლი გავიდა, ასეთი შედეგიანობა კი მას შემდეგ არასდროს ყოფილა, რაც ამ ტურნირს ევროპა ლიგა ეწოდა ანუ 2009-10 წლების სეზონის შემდეგ.
59 - A total of 59 goals were scored across the 16 UEFA Europa League ties this evening, the most in a single evening of knockout round action since the re-brand of the competition in 2009-10. Tasty. pic.twitter.com/GrpigEWMG6
— OptaJoe (@OptaJoe) February 18, 2021
ყველაზე შედეგიანი მატჩები ბერნსა და ანტვერპენში შედგა. შვეიცარიის დედაქალაქში „იანგ ბოიზმა“ გერმანულ „ლევერკუზენს“ 4:3 მოუგო, ბელგიაში კი ადგილობრივმა „ანტვერპენმა“ გლაზგოს „რეინჯერსთან“ შეხვედრა ამავე ანგარიშით დათმო.
6-6 გოლი იხილა ტელემაყურებელმა „მიოლდე“-„ჰოფენჰაიმისა“ და „ოლიმპიაკოსი“-პსვ-ს დაპირისპირებებისას, ხოლო „ვოლფსბერგერი“-„ტოტენჰემისა“ და „კრასნოდარი“-„დინამო ზაგრების“ თამაშები 5-5 გოლით დასრულდა.
გუშინ გამართული 16-დან ერთადერთი მატჩი, რომელშიც გოლი არ გასულა, პრაღის „სლავიასა“ და „ლესტერის“ შეხვედრა გახლდათ.