კარაცევის ზღაპარი დასრულდა - ჯოკოვიჩი ფინალშია
დასრულდა 2021 წლის ავსტრალიის ღია პირველობის პირველი ნახევარფინალური მატჩი. ნოვაკ ჯოკოვიჩმა ასლან კარაცევი მარტივად 3 სეტში 6:3; 6:4; 6:2 დაამარცხა და ფინალში გავიდა.
ნოვაკი ამ გამარჯვებით გახდა პირველი ჩოგბურთელი, რომელიც 30 წლის შემდეგ 3-ჯერ გავიდა AUS OPEN-ის ფინალში.
28 Grand Slam finals for Djokovic.
— ATP Tour (@atptour) February 18, 2021
The first man in the Open Era to reach three #AusOpen finals after turning 30. pic.twitter.com/3cewQfMi1h
მატჩი ძირითადად სერბი ჩოგბურთელის დომინირებით მიმდინარეობდა და ეს ანგარიშშიც აისახა. შეხვედრა ნახევარფინალის კვალობაზე ძალიან მალე საათსა და 55 წუთში დასრულდა. ასლან კარაცევის დიდებული სერია კი შეწყდა.
ასლანმა ნახევარფინალამდე სახელოვან ჩოგბურთელებს მოუგო, მათ შორის გრიგორ დიმიტროვს და დიეგო შვარცმანს. ნოვაკ ჯოკოვიჩი ახლა სტეფანოს ციციპასის და დანილ მედვედევის თამაშს დაელოდება. ერთ-ერთი მათგანი ნოვაკს ფინალში დაუპირისპირდება.