დებიუტანტი და ექს-ჩემპიონი - AUS OPEN-ის ქალთა ფინალში ბრეიდი და ოსაკა შეხვდებიან
მელბურნში მიმდინარე წლის პირველ დიდი სლემის ტურნირ ავსტრალიის ღია პირველობაზე ქალთა თანრიგის ფინალური წყვილი გაირკვა. სატიტულო შეხვედრაში იაპონელი ნაომი ოსაკა და ამერიკელი ჯენიფერ ბრეიდი დაუპირისპირდებიან.
აზიელმა ნახევარფინალურ მატჩში ლეგენდარულ სერენა უილიამსს ორ სეტში - 6:3; 6:4 მოუგო და დიდი სლემის ტურნირების ფინალში მე-4-ედ ითამაშებს. იგი კონკრეტულად AUS OPEN-ის 2019 წლის ჩემპიონია.
ოსაკა თავიდან ბრეიკით ჩამორჩა, თუმცა ვითარება მალევე გამოასწორა და, ზოგადად, მთელი შეხვედრის განმავლობაში სოლიდურ სათამაშო უპირატესობას ფლობდა და დიდი სლემის ტურნირების 23-გზის ჩემპიონის დასამარცხებლად მხოლოდ 75 წუთი იმყოფინა.
A coincidence? ????️@naomiosaka had been eating Japanese food before her matches but switched it out for Greek food last night.
— #AusOpen (@AustralianOpen) February 18, 2021
Since then, @steftsitsipas upset Rafael Nadal & she secured a win over Serena Williams.
"Maybe I should keep eating Greek food"#AusOpen | #AO2021 pic.twitter.com/0TP2oUwf26
ტრადიციულად, ძალიან ემოციურად მიიღო წაგება სერენამ, რომელიც შვილის დაბადების შემდეგ დიდი სლემის 24-ე ტიტულის მოგებას უშედეგოდ ცდილობს.
39 წლის ლეგენდამ პრესკონფერენციის ბოლომდე დასრულება ვერ შეძლო. ერთ-ერთი კითხვისას ემოციები მოეძალა, ცრემლები წამოუვიდა და პრესრუმი ბოდიშის მოხდით დატოვა.
After her semifinal loss to Naomi Osaka, Serena Williams leaves the pressroom in tears.#AusOpen pic.twitter.com/g95Fva006O
— Tennis Channel (@TennisChannel) February 18, 2021
დღის მეორე მატჩში ჯენიფერ ბრეიდიმ დიდი სლემის ტურნირების 1/2 ფინალური ეტაპის დებიუტანტ კაროლინა მუჩოვას რთულ ბრძოლაში აჯობა.
ბრეიდიმ, რომელიც დიდი სლემის ტურნირების ამ ეტაპზე მეორედ თამაშობდა, პირველი და მესამე პარტია მოიგო, შუაში კი ცოტა ხნით ინიციატივას მისი ჩეხი მეტოქე ფლობდა, საბოლოოდ - 6:4; 3:6; 6:4.
When you secure a spot in your first Grand Slam singles final ????@jennifurbrady95 | #AusOpen | #AO2021 pic.twitter.com/CKnKiIJ2rF
— #AusOpen (@AustralianOpen) February 18, 2021
25 წლის ამერიკელი დიდი სლემის ტურნირების ფინალში კარიერაში პირველად გავიდა და იქ მასზე ასაკით უმცროს, მაგრამ უკვე 3 მეიჯორის მომგებ ოსაკას შეხვდება.
ბრეიდისა და ოსაკას აქამდე ერთმანეთთან 3-ჯერ უთამაშიათ და იაპონელი 2:1-ს იგებს. ბოლო შეხვედრა სექტემბერში, US OPEN-ზე შედგა და ის ოსაკამ 7:6; 3:6; 6:3-ით დახურა.
AUS OPEN-ის წლევანდელი გათამაშების ქალთა თანრიგის ფინალური მატჩი შაბათს გაიმართება.
