მამუს მე-1000 ქულა და მორიგი ორმაგი დუბლი - სეტონ ჰოლმა დეპოლი დაამარცხა
სანდრო მამუკელაშვილის „სეტონ ჰოლმა“ ზედიზედ მე-4 გამარჯვება იზეიმა. გამთენიისას „მეკობრეები“ „დეპოლს“ დაუპირისპირდნენ და მეტოქე მძიმე ბრძოლაში - 60-52 დაამარცხეს.
„დეპოლთან“ მატჩი მამუკელაშვილისთვის ისტორიული გამოდგა. ქართველმა მძიმე ფორვარდმა კარიერაში მე-1000 ქულა ჩააგდო და მეკობრეების“ ისტორიაში 45-ე კალათბურთელი გახდა, რომელმაც 1000-ქულიანი ნიშნული გადალახა. „მამუმ“ პარკეტზე 38 წუთი გაატარა და აქტივში ორმაგი დუბლი ჩაიწერა. სანდრომ თავი 25 ქულას, 11 მოხსნას, 4 შედეგიან გადაცემას, 2 ჩაჭრასა და ამდენივე დაფარებას მოუყარა.
Congrats to @Mamukelashvili5 on becoming the 45th Pirate to reach 1,000 career points! #HALLin ????⚪️ pic.twitter.com/EhAEgytF0h
— Seton Hall Men's Basketball (@SetonHallMBB) February 18, 2021
Walking out of here with 1,000 career points and counting ????♂️ @Mamukelashvili5 #HALLin ????⚪️ pic.twitter.com/GNVm3zpPfz
— Seton Hall Men's Basketball (@SetonHallMBB) February 18, 2021
„მამუმ“ 19-დან 10 ბურთი, 2 სამქულიანი და 6-დან 3 საჯარიმო ჩააგდო. სანდრომ 11-დან 4 მოხსნა მეტოქის ფარზე მიითვალა და 3 დაკარგვა და 1 პერსონალური ჯარიმა ჰქონდა. მამუკელაშვილმა ორმაგი დუბლი ზედიზედ მეორედ გაიფორმა. „მარკეტთან“ გამართულ შეხვედრაში იგი 11 ქულითა და 10 მოხსნით გამოირჩა.
Mamu ➡️ Cale caps a 9-0 run and gives @SetonHallMBB its largest lead of the night! pic.twitter.com/k8v4YOxTkT
— #BIGEASThoops (@BIGEASTMBB) February 18, 2021
„დეპოლის“ დამარცხებით „სეტონ ჰოლმა „მიმდინარე სეზონში მე-13, ხოლო Big East-ის კონფერენციაში მე-10 გამარჯვება მოიპოვა. „მეკობრეებს“ „მარტის სიგიჟეში“ მოხვედრის კარგი შანსი აქვთ და მომდევნო მატჩს „ჯორჯთაუნის“ წინააღმდეგ გამართავენ, რომელმაც 16 შეხვედრიდან მხოლოდ 6-ში იმარჯვა.
