საოცარი "ქამბექი" - ციციპასმა ნადალი დაამარცხა!
ავსტრალიის ღია პირველობის მეოთხედფინალში რაფაელ ნადალი სტეფანოს ციციპასს დაუპირისპირდა. ბერძენმა ჩოგბურთელმა უმძიმეს ბრძოლაში 5 სეტში 3:6 2:6 7:6 6:4 7:5 გაიმარჯვა და ნახევარფინალში გავიდა.
A MIRACLE IN MELBOURNE ????@steftsitsipas is into the #AusOpen semi-finals! pic.twitter.com/AbjpMDnshs
— ATP Tour (@atptour) February 17, 2021
მატჩი აქტიურად ესპანელმა "მატადორმა" დაიწყო და პირველი ორი სეტი კორტზე რაფაელი დომინირებდა, რაც ანგარიშზეც აისახა. მარტივად 6:3 6:2.
ამის შემდეგ სტეფანოსმა მატჩში გარდატეხის შეტანა შეძლო და უმძიმეს მესამე სეტში ტაი-ბრეიკზე 7:4 გაიმარჯვა და სხვაობა შეამცირა. მეოთხე სეტში თანაბარი თამაში ვიხილეთ, თუმცა ციციპასმა 1 ბრეიკის შესრულება შეძლო და სიტუაცია კულმინაციამდე მიიყვანა - იხილეთ მატჩის ვიდეომიმოხილვა.
უკანასკნელ მეხუთე სეტში მოთამაშეები საკუთარ ჩაწოდებაზე კარგად გამოიყურებოდნენ, თუმცა ახალგაზრდა სტეფანოსმა უდიდესი ბრძოლის და თავდადების შედეგად ბრეიკი შეასრულა და მატჩი მოიგო. შეხვედრა 4 საათი და 8 წუთი გრძელდებოდა.
ცნობისთვის, ეს მოთამაშეები ისტორიაში ერთმანეთს ცხრაჯერ შეხვდნენ. ნადალმა 9-დან 7-ჯერ გაიმარჯვა, ხოლო დღეს კარიერაში მეორედ შეძლო ბერძენმა რაფაელის დამარცხება. შეგახსენებთ, რომ ნახევარფინალში ციციპასი დანილ მედვედევს შეხვდება, რომელმაც თავისმხრივ თანამემამულე ანდრეი რუბლიოვი დაამარცხა.