ზვერევი დამარცხებულია - ჯოკოვიჩი ნახევარფინალში გავიდა
მიმდინარე ავსტრალიის ღია პირველობაზე მეორე მეოთხედფინალური დაპირისპირება გაიმართა. ნოვაკ ჯოკოვიჩი ალექსანდრ ზვერევს შეხვდა და უმძიმეს ბრძოლაში 4 სეტში 6:7 6:2 6:4 7:6 დაამარცხა.
Serbian delight ????????????@DjokerNole advances to his 9️⃣th #AusOpen semifinal.#AO2021 pic.twitter.com/59WWPzThwB
— #AusOpen (@AustralianOpen) February 16, 2021
ოთხივე სეტი ძალიან დაძაბული გამოვიდა. მატჩის პირველ ნაწილში გერმანელი ჩოგბურთელი სეტზე აწვდიდა, თუმცა სერბმა დაბრეიკება მოახერხა და თამაში ტაი-ბრეიკში გადავიდა. ალექსანდრმა იყოჩაღა და 8:6 გაიმარჯვა.
მეორე სეტი ზვერევმა აქტიურად დაიწყო და 2:0 დაწინაურდა, თუმცა ამის შემდეგ რეიტინგის პირველმა ნომერმა საკუთარი კლასი გამოავლინა და ანგარიში 6:2 დააფიქსირა. ნოვაკს აშკარად ეტყობოდა, რომ ტრავმა კვლავ აწუხებდა და ტკივილის ფონზე თამაშობდა.
მესამე ზეტი კვლავ გერმანელის კარნახით წარიმართა. ზვერევი 4:1-ს იგებდა, თუმცა ჯოკოვიჩი არ დანებდა და შეხვედრა თავის სასარგებლოდ შემოატრიალა 6:4. სერბი სეტებში დაწინაურდა.
მეოთხე და უკანასკნელ სეტში დაძაბულობამ კულმინაციას მიაღწია. ზვერევი სეტზეც კი აწვდიდა, თუმცა ნოვაკმა თამაშში დაბრუნება კვლავ მოახერხა და ისევ დამატებითი ტაი-ბრეიკი დაინიშნა. ანგარიში პირველი სეტისნაირი დაფიქსირდა 8:6, თუმცა ამჯერად ჯოკოვიჩის სასარგებლოდ. მატჩი 3 საათი და 34 წუთი გრძელდებოდა.
ამ გამარჯვებით მსოფლიოს პირველმა ჩოგანმა ახალი რეკორდი დაამყარა. ჯოკოვიჩს ავსტრალიის ღია პირველობაზე მოგება-წაგების ბალანსი 80:8-ზე აქვს მეცხრედ გავიდა ნახევარფინალში, სადაც 27 წლის ასლან კარაცევს დაუპირისპირდება. კარიერაში კი ნოვაკი 39-ედ გავიდა ნახევარფინალში.
80-8.
— ATP Tour (@atptour) February 16, 2021
That's @DjokerNole sensational #AusOpen win-loss record as he reaches his 9th semi-final at Melbourne Park ???? pic.twitter.com/nLA6pEtCY6
