ტკივილი და ცრემლები - დეივისმა აქილევსის მყესი დაიზიანა
NBA-ს უკანასკნელ ტურში "ლეიკერსი" "დენვერს" დაუპირისპირდა და 122:105 დამარცხდა. წაგება უმნიშვნელო გახდა, მას შემდეგ, რაც გაირკვა, რომ ლოს-ანჯელესელთა ერთ-ერთმა ლიდერმა ენტონი დეივისმა აქილევსის მყესი დაიზიანა.
ამერიკელმა ტრავმა მეორე მეოთხედში მიიღო. ენტონიმ დაზიანების სიმძიმე იმ მომენტშივე გაიაზრა და ცრემლები ვერ შეიკავა.
ცნობისთვის, მიმდინარე სეზონში დეივისმა 28 მატჩიდან 23-ში მიიღო მონაწილეობა და საკმაოდ დიდ დატვირთვას იღებს. ESPN-ის ჟურნალისტი ადრიან ვოიანაროვსკი მომხდართან დაკავშირებით ახალ ინფორმაციას ავრცელებს. მისი თქმით, პირველადი გამოკვლევების შედეგად ცნობილი გახდა, რომ მას აქილევსის მყესი დაუზიანდა, თუმცა როგორც ირკვევა გაწყვეტილი არ არის. ეს კი იმის იმედს იძლევა, რომ ენტონის სეზონი არ გაუცდება.
ლოს-ანჯელესში დაბრუნების შემდეგ "ლეიკერსის" თავდამსხმელს განმეორებითი კვლევა ჩაუტარდება. ადრიანი იმასაც ამბობს, რომ მინიმუმ 10 მარტამდე დეივისის დაბრუნება გამორიცხულია. მისი დაზიანების შესახებ ოფიციალური ცნობა კი განმეორებითი გამოკვლევის შემდეგ გახდება ცნობილი.
Anthony Davis' MRI revealed a calf strain and a re-aggravation of the right Achilles tendonosis, source said. Once Davis returns to Los Angeles, he'll immediately get another evaluation there. It is extremely unlikely Davis returns to lineup prior to ASG break ending March 10.
— Adrian Wojnarowski (@wojespn) February 15, 2021