მერაბ შარიქაძე :
Aa
Aa

მერაბ შარიქაძე : "რუსეთთან წაგებას სიკვდილი მირჩევნია"

საქართველოს რაგბის ნაკრების კაპიტანმა მერაბ შარიქაძემ საზოგადოებრივი მაუწყებლის სპორტულ გადაცემაში „ტაიმაუტში“ რუსეთთან მატჩზე ისაუბრა.

 „ამ თამაშის პოზიტიურად შეფასება გამიჭირდება. ყველას უკეთესი თამაში გვინდოდა, მორაგბეებსაც, გულშემატკივრებსაც, მწვრთნელებსაც, მაგრამ სამწუხაროდ, არ გამოგვივიდა. პასუხისმგებლობას ვიღებთ, თავს არ ვიმართლებთ და პასუხისმგებლობას არასოდეს არ გავურბივართ. ზედმეტად ვინერვიულეთ, ჩემი თამადობით. რატომ უნდა ინერვიულოს სპორტსმენმა? იმიტომ უნდა ინერვიულოს, რომ პირველ რიგში, ეროვნული ნაკრების მორაგბე ყოველთვის თამაშობს საქართველოსა და თითოეული მოქალაქის სახელით. ეს ძალიან დიდი პასუხისმგებლობაა და სწორედ რუსეთთან არის ეს პასუხისმგებლობა გაათმაგებული. ყველასთვის ეს თამაში ძალიან მნიშვნელოვანია, ჩვენც ჩვეულებრივი ადამიანები ვართ და თავისთავად ვნერვიულობთ, როცა ასეთი პასუხისმგებლობა გვაქვს, რომ შევასრულოთ წარმატებით, იმედები არავის გავუცრუოთ. ხშირ შემთხვევაში ეს გადაჭარბებული ნერვიულობა ხელს უშლის სპორტსმენს. არიან, ალბათ, ერთეული სპორტსმენები, რომლებსაც ნერვიულობა ვერაფერს აკლებს. ჩვენ კი ვისწრაფვით ამისკენ, რომ ყველაზე მაგარი ინდივიდები ვიყოთ ნაკრებში, მაგრამ, სამწუხაროდ, წინ კიდევ გრძელი გზაა. როცა ვიცით, რომ გაუთვალისწინებელი შემთხვევა სპორტში შეიძლება მოხდეს, განსაკუთრებით, ზუსტად ამიტომ ვნერვიულობთ რუსეთთან მატჩის დროს. ეს არის თამაში, რომლის წაგებასაც, პირდაპირ ვამბობ, მეც და ნებისმიერ მოთამაშეს სიკვდილი გვირჩევნია, მირჩევნია მოვკვდე, ოღონდ ეს თამაში არ წავაგო“. - განაცხადა შარიქაძემ

შეგახსენებთ,რომ მიხეილ მესხის სახელობის სტადიონზე გამართულ შეხვედრაში ბორჯღალოსნებმა რუსეთის ნაკრები ანგარიშით 16:7 დაამარცხეს და „დათვებს“ ისტორიაში ოცდამეორედ მოვუგეთ.

მსგავსი სიახლეები

ცხელი ამბები