ორ მატჩს გამოტოვებს - მესი დაისაჯა
ესპანეთის საფეხბურთო ასოციაციამ ლიონელ მესის განაჩენი გამოუტანა. არგენტინელი სუპერვარსკვლავი ვილალიბრესთან უხეშობის გამო ორ მატჩიანი დისკვალიფიკაციით დაისაჯა. 6 ოქროს ბურთის მფლობელი კოპა დელ რეიზე "კორნელას" და ლა ლიგაში "ელჩეს" წინააღმდეგ არ იქნება. ინფორმაცია MARCA-მ გაავრელა.
???????? ÚLTIMA HORA | Leo Messi, sancionado con dos partidos por su expulsión en la Supercopa de España https://t.co/yyb8KclfE7
— MARCA (@marca) January 19, 2021
შეგახსენებთ, რომ ლეო მესი "ბარსელონას" რიგებში პირველად გააძევეს. ეს კი 2021 წლის ესპანეთის სუპერ თასის ფინალში "ბილბაოს" წინააღმდეგ მოხდა. კატალონიელებმა ხსენებული შეხვედრა 2:3 დათმეს.
ბოლო წუთებზე კუმანის შეგირდები შტურმზე გადავიდნენ. მესი საჯარიმოსკენ გარბოდა, რა დროსაც ბასკთა ფეხბურთელმა ვილალიბრემ ხელით დაიჭირა და მისი შეჩერება სცადა. არგენტინელმა ვერ მოითმინა, ნერვებს აჰყვა და მოწინააღმდეგეს უხეშად ჩაარტყა.