მე-5000 გოლი ჩემპიონატში - პსვ მხოლოდ აიაქსს ჩამორჩება
ნიდერლანების ჩემპიონატის მე-15 ტურში, ჩემპიონობის ორი პრეტენდენტი - „აიაქსი“ და პსვ ერთმანეთს „იოჰან კრუიფ არენაზე“ დაუპირისპირდნენ და ფრედ - 2:2 ითამაშეს. შეხვედრაში ერთი გამორჩეული მაჩვენებელიც დაფიქსირდა.
პსვ-ს ებრაელმა ფორვარდმა, ერან ზაჰავიმ ამსტერდამელთა კარში ორი გოლი გაიტანა, რითაც ეინდჰოვენელთა მიერ ნიდერლანდების ჩემპიონატის უმაღლეს ლიგაში გატანილი გოლების ნიშნული 5000-ს გაუთანაბრა.
5000 - Eran Zahavi scored @PSV's 5000th goal in the Eredivisie, only Ajax have scored more (5506). Kickstart. pic.twitter.com/C8u0SR3OUz
— OptaJohan (@OptaJohan) January 10, 2021
ამაზე მეტი გატანილი აქვს მხოლოდ „აიაქსს“, რომელმაც მეტოქეები 5506-ჯერ დაამწუხრა, მესამე ადგილზე კი, 4621 გოლით, როტერდამის „ფეიენოორდია“.
ამსტერდამში დაფიქსირებული ფრის შემდეგ „აიაქსსა“ და პსვ-ს შორის 1-ქულიანი სხვაობა შენარჩუნდა და პირველ ადგილზე კვლავ დედაქალაქელები არიან. ლიდერებს 3-3 ქულაში „ფეიენოორდი“ და „ვიტესი“ მიუახლოვდნენ.
