პრობლემა - რეალი მადრიდში ვერ ჩადის, წინ კი სუპერ თასია!
ესპანეთში რამდენიმე დღეა გაუჩერებლად თოვს. ამის გამო ლა ლიგის და სეგუნდა დივიზიონის რამდენიმე მატჩი გადაიდო, მათ შორის "ატლეტიკოსა" და "ბილბაოს" შეხვედრა. "რეალი" ლა ლიგის მორიგ ტურში "ოსასუნას" ესტუმრა და ამის შემდეგ "ბლანკოსი" უამინდობის გამო დედაქალაქში დაბრუნებას ვეღარ ახერხებს.
ზიდანის გუნდს წინ "ბილბაოსთან" სუპერ თასის ნახევარფინალური შეხვედრა ელოდება და ნორმალურად მომზადებას ვერ ახერხებს. MARCA-ს ინფორმაციით, "სამეფო კლუბი" ბასკებთან სათამაშოდ მალაგაში, პირდაპირ პამპლონადან გაფრინდება. ეს კი მომდევნო მატჩისთვის 100 %-ით მომზადებას, რა თქმა უნდა, ხელს უშლის.
Real Madrid are currently stuck in Pamplona for a third night and will be unable to return home due to current snow storm ❄️
— International Champions Cup (@IntChampionsCup) January 10, 2021
They will now travel directly to Malaga for their Super Cup match this Thursday ???? (via Marca) pic.twitter.com/U9uG5DqovK
შეგახსენებთ, რომ "ბლანკოსმა" "ოსასუნასთან" ვერაფერი გააწყო და შეხვედრა ფრედ 0:0 დასრულდა. ზინედინ ზიდანის თქმით ხსენებული დაპირისპირება უნდა გადადებულიყო, რადგან სათამაშოდ შეუფერებელი კლიმატური პირობები იყო. "რეალისა" და "ბილბაოს" მატჩი 14 იანვარს თბილისის დროით 00:00-დან დაიწყება.