მორიგი რეკორდი - სუარესი ატლეტიკოს ისტორიაში შევიდა
ლა ლიგის მორიგ ტურში "ატლეტიკო" "ალავესს" ესტუმრა და მძიმე ბრძოლაში 2:1 დაამარცხა. გამარჯვების მომტანი გოლი ურუგვაელმა ახალწვეულმა ლუის სუარესმა მსაჯის მიერ კომპენსირებულ დროში გაიტანა.
ეს გოლი ლუისისთვის სარეკორდო აღმოჩნდა. ვეტერანი თავდამსხმელი "როხიბლანკოს" ისტორიაში გახდა პირველი ფეხბურთელი, რომელმაც პირველ 12 შეხვედრაში 11 გოლში მიიღო მონაწილეობა. 9 გოლი და 2 შედეგიანი გადაცემა - ასეთია სუარესის მონაგარი. აქამდე ეს რეკორდი რადამელ ფალკაოს ეკუთვნოდა, რომელმაც 10 გოლში მიიღო მონაწილეობა. (9 შედეგიანი დარტყმა და 1 ასისტი)
11- Luis Suárez has been involved in 11 goals in his opening 12 games for @atletienglish in #LaLiga (nine goals & two assists), the best starting for a Atlético's player in this century, surpassing Radamel Falcao in 2011 (9+1). Quality#AlavesAtleti #AlavesAtleti pic.twitter.com/Lt94Pmle7u
— OptaJose (@OptaJose) January 3, 2021
33 წლის შემტევი ლა ლიგის გათამაშებას 9 გოლით იაგო ასპასთან ერთად ლიდერობს. ცნობისთვის, სუარესი "ბარსელონამ" მიმდინარე სეზონის დასაწყისში გაუშვა. რონალდ კუმანის თქმით, ურუგვაელი მის სამომავლო გეგმებში არ შედიოდა. "ბლაუგრანა" კი ახლა 15 ტურის შემდეგ მე-6 ადგილზე იმყოფება და ლიდერ "ატლეტიკოს" 13 ქულით ჩამორჩება.