ახალი მწვრთნელი - "დილას" უკრაინელი სპეციალისტი გაწვრთნის
გორის „დილას“ ახალი მთავარი მწვრთნელი, 44 წლის უკრაინელი სპეციალისტი, ანდრეი დემჩენკო იქნება.
"დილასა" და ანდრეის შორის 2 წლიანი კონტრაქტი გაფორმდა.
დემჩენკომ სამწვრთნელო კარიერა ზაპოროჟიის ,,მეტალურგის” ასაკობრივ გუნდში დაიწყო, შემდეგ კი საქმიანობა უზბეკურ ,,ობოდში“ განაგრძო, ბოლოს კი ხარკოვის ,,მეტალისტში“ ჯერ მთავარი მწვრთნელის ასისტენტად მოღვაწეობდა, 2019-20 წლების სეზონში კი ამავე გუნდის მთავარი მწვრთნელის პოსტზე დაინიშნა.
მისი ხელმძღვანელობით ხარკოველებმა 26 მატჩი ჩაატარეს, საიდანაც 13 მოიგეს, 5 ფრედ დაასრულეს და 8-ჯერ დამარცხდნენ.
ანდრეი დემჩენკო სტატისტიკურად ყველაზე მეტჯერ 4-1-4-1 სქემას იყენებს. გარკვეულ მატჩებში 4-3-3 და 4-2-3-1 ტაქტიკურ სქემებსაც მიმართავს.
შეგახსენებთ,რომ გორელებმა Crsystalbet ეროვნული ლიგაში მესამე ადგილი დაიკავეს და ევრო ტურნირზე იასპარეზებენ.
ჩემპიონატის პრიზიორ კლუბს გიორგი ნემსაძე წვრთნიდა,რომელიც სეზონის დასრულების შემდეგ თბილისის „დინამოს“ მწვრთნელი გახდა.